આલિયા ભટ્ટને જન્મદિવસ પર મળી એક જોરદાર પપ્પી
તસવીર સૌજન્ય નતાશા પુનાવાલા ઇન્સ્ટાગ્રામ એકાઉન્ટ
આલિયા ભટ્ટનો જન્મદિવસ હમણાં જ ગયો છે અને તેની ખાસ મિત્ર નતાશા પુનાવાલાએ ઇન્સ્ટાગ્રામ પર આલિયાની એક થ્રોબેક તસવીર શેર કરી. આ તસવીરમાં આલિયા ભટ્ટના ગાલ પર તેનો બોયફ્રેન્ડ રણબીર કપૂર એને એક મજાની પપ્પી કરી રહ્યો છે. આ તસવીર સોશ્યલ મિડિયા પર ભારે વાઇરલ થઇ છે અને આલિયા રણબીરનાં ફેન્સ આ ફોટોગ્રાફની વાત કરતાં થાકતા નથી. આ ફોટોગ્રાફમાં લટકામાં ફેન્સને જોવા મળે છે મલાઇકા અરોરા અને અર્જુન કપુરની કિસ પણ. આ ફોટોગ્રાફ ન્યુયોર્કમાં લેવાયો છે.
આ ફ્રેમમાં નતાશા પણ ડોકિયું કરતી દેખાય છે. નતાશાએ તેની સખીને બર્થડે વિશ કરવા આ પરફેક્ટ રસ્તો શોધી કાઢ્યો.
આલિયા રણબીર પહેલીવાર અયાન મુખર્જીની ફિલ્મ બ્રહ્માસ્ત્રમાં એક સાથે દેખાશે. પહેલાં 4થી ડિસેમ્બરે રિલિઝ થનારી આ ફિલ્મ હવે ડિલે થવાની છે એવા ખબર મળ્યાં છે. ફિલ્મમાં સાથે અમિતાભ બચ્ચન, ડિંમ્પલ કાપડિયા, મૌની રોય અને નાગર્જુન તો છે પણ સાથે શાહરૂખ ખાન પણ કેમિયો કરનાર છે. આવનારા વખતમાં આલિયા સડક-2, ગંગુબાઇ કાઠિયાવાડી અને આરઆરઆરમાં દેખાશે તથા તખ્તમાં પણ તે કામ કરશે.