રામુ ફરી અન્ડરવર્લ્ડના શરણે
રામગોપાલ વર્મા
‘કંપની’, ‘સત્યા’, ‘ડી’ જેવી અન્ડરવર્લ્ડની અનેક સક્સેસફુલ ફિલ્મો આપી ચૂકેલા ડિરેક્ટર રામગોપાલ વર્મા હવે વેબ-સિરીઝ તરફ વળ્યા છે. રામગોપાલ વર્મા યુટ્યુબ પ્રીમિયમ માટે મુંબઈના અન્ડરવર્લ્ડ માટે વેબ-સિરીઝ બનાવશે જે ચાર સીઝનમાં હશે, દરેક સીઝનમાં દસ-દસ એપિસોડ હશે. આ વેબ-સિરીઝનું અત્યારે કામચલાઉ ટાઇટલ ‘બૉમ્બે સાગા’ નામ આપવામાં આવ્યું છે. કરીમલાલાથી શરૂ થયેલા આ અન્ડરવર્લ્ડમાં છેક છોટા રાજન, છોટા શકીલ અને અત્યારે જેલમાં રહેલા અબુ સાલેમ સુધીનો ઇતિહાસ લઈ લેવામાં આવશે.
આ પણ વાંચો : બૉયફ્રેન્ડ પરીક્ષિત બાવા સાથે નીતિ ટેલરે કરી સગાઈ
ADVERTISEMENT
અન્ડવર્લ્ડ શરૂ કેવી રીતે થયું, એને કોણે પ્રોત્સાહન આપ્યું, કેવા સંજોગોમાં અન્ડરવર્લ્ડ કાબૂ બહાર નીકળી ગયું અને કેવી રીતે એને નાથવામાં આવ્યું એ આખો ચિતાર રામુની સિરીઝમાંથી મળશે. અત્યારે સ્ક્રિપ્ટ પર કામ ચાલી રહ્યું છે, જે પૂરું થયા પછી તરત જ કાસ્ટિંગ શરૂ થશે. રામુની ઇચ્છા એવી છે કે અન્ડરવર્લ્ડનાં જેકોઈ જાણીતાં નામ છે એ બધા માટે નવા ઍક્ટર લેવામાં આવે.