મારા ઍક્ટર બનવાથી મારા પેરન્ટ્સને ખૂબ ગર્વ થયો હતો : રાજકુમાર રાવ

મુંબઈ | Sep 21, 2019, 10:13 IST

રાજકુમાર રાવે જણાવ્યું હતું કે તે ઍક્ટર બન્યો એથી તેનાં પેરન્ટ્સને ખૂબ ગર્વ થયો હતો.

રાજકુમાર રાવ
રાજકુમાર રાવ

રાજકુમાર રાવે જણાવ્યું હતું કે તે ઍક્ટર બન્યો એથી તેનાં પેરન્ટ્સને ખૂબ ગર્વ થયો હતો. રાજકુમારનાં પિતાનું તાજેતરમાં જ ૬૦ વર્ષની વયે નિધન થયુ છે. પોતાનાં પેરન્ટ્સને યાદ કરતા રાજકુમારે કહ્યું હતું કે ‘મારા માટે આ ખૂબ જ મોટુ નુકસાન છે. થોડા વર્ષો પહેલા જ મારી મમ્મીને મેં ગુમાવ્યા હતાં. એ વખતે હું ‘ન્યૂટન’નું શૂટિંગ કરી રહ્યો હતો. એનાં બીજા દિવસે જ હું શૂટિંગ પર પાછો ફર્યો હતો.’

આ પણ વાંચો : તખ્તનું શૂટિંગ ફેબ્રુઆરીમાં શરૂ કરવામાં આવશે : વિકી કૌશલ

તેનાં પિતા જ્યારે હૉસ્પિટલમાં દાખલ હતાં એ વખતે તેણે ‘મેડ ઈન ચાઇના’નું ટ્રેલર તેમને દેખાડ્યુ હતું. એ વિશે રાજકુમારે કહ્યું હતું કે ‘હું ખૂબ જ ખુશ છું કે જ્યારે મારા પિતા હૉસ્પિટલમાં દાખલ હતાં ત્યારે જ ફિલ્મનું ટ્રેલર સમયસર તૈયાર થઈ ગયુ હતું. મેં મારા પ્રોડ્યુસર દિનેશ વિજનને કહ્યું હતું કે મારે મારા પિતાને ફિલ્મનું ટ્રેલર દેખાડવુ છે. હું ખુશ છું કે તેમણે ટ્રેલર જોયું. મને એ વાતની પણ ખાતરી છે કે તેઓ જ્યાં પણ હશે તેઓ મારી આ ફિલ્મ જરૂર જોશે. તેમનાં આશિર્વાદ હંમેશાં મારી સાથે છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK