વેબ-સિરીઝને કારણે ઍક્ટરને કૅરૅક્ટર ડેવલપ કરવાની તક મળે છે: રાહુલ દેવ

રાહુલ દેવનું કહેવું છે કે વેબ-સિરીઝ કલાકારોને તેમના પાત્રને સારી રીતે ભજવવાની તક આપે છે. તે ‘ધ પર્ફેક્ટ સ્ક્રિપ્ટ’માં જોવા મળવાનો છે. આ શોને પાર્થો ઘોષે ડિરેક્ટ કર્યો છે. આ શો ડીજીફ્લિક્સ પર જલદીથી રિલીઝ થશે. સિરીઝ સંદર્ભે રાહુલ દેવે કહ્યું હતું કે ‘વેબ-સિરીઝ ‘ધ પર્ફેક્ટ સ્ક્રિપ્ટ’ સસ્પેન્સ થ્રિલર છે અને એ બદલા પર આધારિત છે. આ એક ફિલ્મને સિરીઝમાં ડિવાઇડ કરવા જેવું છે. એ એક સારી બાબત છે, કારણ કે એના માટે કૅરૅક્ટરને ડેવલપ કરવા અને પાત્રને સારી રીતે ભજવવા માટે સમય મળે છે.’