પ્રિયંકાને તેના ડૅડીએ ટાઇટ કપડાં પહેરવાની કેમ ના પાડી હતી?
પ્રિયંકા ચોપડા જોનસે
પ્રિયંકા ચોપડા જોનસે જણાવ્યું હતું હું જ્યારે અમેરિકાથી ભારત પાછી ફરી ત્યારે મારા ડૅડીએ મને ટાઇટ કપડાં ન પહેરવાનો અને બારી પાસે ઊભા ન રહેવાનો આદેશ આપ્યો હતો. પ્રિયંકા તેના ડૅડી અશોક ચોપડાની ખૂબ નજીક હતી. તે જ્યારે ૧૨ વર્ષની હતી ત્યારે જ તે અમેરિકા ભણવા ચાલી ગઈ હતી. એ વખતે તેના કર્લી વાળ હતા. અમેરિકામાં ભણવાનો ક્રેઝ પ્રિયંકાને એટલા માટે હતો, કારણ કે ત્યાં લૉકર્સ અને યુનિફૉર્મ નથી હોતાં. સાથે જ છોકરીઓને એટલી આઝાદી હોય છે કે તે મેકઅપની સાથે જ વૅક્સ અને આઇબ્રો પણ કરી શકે છે. જોકે તે જ્યારે ૧૬ વર્ષની થઈ ત્યારે ભારત પાછી ફરી ત્યારે તેનો લુક બદલાઈ ગયો હતો. તેના ડૅડી શરૂઆતનાં થોડાં અઠવાડિયાં એ સમજી શક્યા નહીં કે શું કરવું. કેટલાક છોકરાઓ પ્રિયંકાનો પીછો કરતા હતા એ જ કારણસર તેના ડૅડીએ તેને સખત આદેશ આપ્યો હતો કે તું ટાઇટ કપડાં ન પહેરતી અને ઘરની બારી પાસે પણ ન ઊભી રહેતી.
