પ્રિયંકા એકદમ દેસી ગર્લ છે : રાજકુમાર રાવ
પ્રિયંકા ચોપરા
રાજકુમાર રાવનું કહેવું છે કે પ્રિયંકા ચોપડા જોનસ એકદમ દેશી છે. તેઓ હાલમાં વિડિયો સ્ટ્રીમિંગ સર્વિસ ‘ધ વાઇટ ટાઇગર’માં સાથે કામ કરી રહ્યાં છે. રાઇટર અરવિંદ અડિગાની પહેલી નોવેલ ‘ધ વાઇટ ટાઇગર’ પરથી આ ફિલ્મ બનાવવામાં આવી રહી છે. ૨૦૦૮માં આ બુક માટે અરવિંદને ‘મૅન બૂકર પ્રાઇઝ’ અવૉર્ડ પણ મળ્યો હતો. પ્રિયંકા સાથે કામ કરવા વિશે જણાવતાં રાજકુમાર રાવે કહ્યું હતું કે ‘પ્રિયંકા મારી ખૂબ જ સારી મિત્ર બની ગઈ છે. તે બેફિકર રહે છે અને ‘દેસી ગર્લ’નો ટૅગ તેના માટે યોગ્ય છે. તે એકદમ ‘દેસી ગર્લ’ છે. અમે હાલમાં દિલ્હીમાં શૂટિંગ કરી રહ્યાં છીએ અને સાથે જ ખૂબ જ મસ્તી પણ કરી રહ્યાં છીએ.’
