હિન્દુઓની લાગણી દુભાવવા પ્રકાશ ઝાની આશ્રમને મળી લીગલ નોટિસ
આશ્રમ
હિન્દુઓની લાગણી દુભાવવા માટે પ્રકાશ ઝાની ‘આશ્રમ : ચૅપ્ટર 2 ધ ડાર્ક સાઇડ’ને લીગલ નોટિસ મોકલવામાં આવી છે. ડિજિટલ પ્લૅટફૉર્મ એમએક્સ પ્લેયર પર રિલીઝ થઈ રહેલી આ સીઝનમાં બૉબી દેઓલ લીડ રોલમાં છે. આ શોમાં હિન્દુઓના આશ્રમ ધર્મ વિશે વાત કરવામાં આવી રહી છે. આ શોમાં હિન્દુઓની લાગણીને દુભાવવામાં આવી હોવાથી બુધવારે લીગલ નોટિસ મોકલવામાં આવી હતી. કરણી સેનાના પ્રદેશ સંગઠન મહામંત્રી સુરજિત સિંહ દ્વારા આ નોટિસ મોકલવામાં આવી છે. આ નોટિસમાં કહેવામાં આવ્યું છે કે ફ્યુચર જનરેશન આ વેબ શોને જોઈને હિન્દુ ધર્મ અને આશ્રમ ધર્મ વિશે નેગેટિવ વિચારધારા બનાવશે.
આ શોની પહેલી સીઝનમાં પણ વાંધાજનક દૃશ્યો હતાં અને બીજી સીઝનના ટ્રેલરમાં પણ એવાં કેટલાંક દૃશ્યો દેખાડવામાં આવ્યાં હોવાનું આ નોટિસમાં કહેવામાં આવ્યું છે. આથી ટ્રેલરને કાઢીને આ શોને રિલીઝ ન કરવા માટે પણ નોટિસમાં કહેવામાં આવ્યું છે. આ શો અગિયાર નવેમ્બરે રિલીઝ થઈ રહ્યો છે.
