બિગ બૉસ પર પ્રતિબંધ મૂકવાની અલ્હાબાદ હાઈ કોર્ટમાં અરજી

ટીવીના રિયલિટી શો ‘બિગ બૉસ’ સીઝન પાંચમાં મર્યાદાના નિયમોનો ભંગ કરવામાં આવ્યો હોવાથી અને જાહેર નૈતિકતા પર પ્રદૂષિત અસર થઈ હોવાને કારણે એના પ્રતિબંધ મૂકવામાં આવે એવી જનહિતની અરજીની ગઈ કાલે અલ્હાબાદ હાઈ કોર્ટમાં સુનાવણી હતી.

આ શોને કારણે ભારતીય મહિલાઓની ગરિમા અને નૈતિક મૂલ્યોની પરવા કરતા કર્તવ્યનિષ્ઠ નાગરિકોને અસહ્ય માનસિક પરિતાપ પહોંચે છે એવું વારાણસીના સોશ્યલ ઍક્ટિવિસ્ટ રાકેશ શ્રીવાસ્તવે કરેલી જનહિતની અરજીમાં જણાવ્યું છે. કોર્ટની ડિવિઝન બેન્ચે આની સુનાવણી ૩૦ નવેમ્બર પર મુલતવી રાખી હતી.