પરિણીતીએ ઇજા બાદ કર્યું કમબૅક
પરિણીતિ ચોપરા
પરિણીતી ચોપડાએ તેની ઇજા બાદ ફરી શૂટિંગ શરૂ કર્યું છે. બૅડમિન્ટન પ્લેયર સાઇના નેહવાલની બાયોપિક ‘સાઇના’ની ટ્રેઇનિંગ દરમ્યાન પરિણીતીની ગરદન પર ઇજા થઈ હતી. ડૉક્ટરે તેને ઓછામાં ઓછું એક અઠવાડિયું આરામ કરવાની સલાહ આપી હતી. જોકે ઇન્જરીના દસ દિવસ બાદ પરિણીતીએ ફરી શૂટિંગ શરૂ કરી દીધુ છે. આ શૂટિંગ માટે તે ગઈ કાલે આઠ કલાક સુધી બૅડમિન્ટન રમી હતી. શૂટિંગ કરવા પહેલાં આ વિશે વધુ જણાવતાં પરિણીતીએ કહ્યું હતું કે ‘આ એકદમ સાચી માહિતી છે. હું એકદમ ફિટ છું અને ફરી બૅડમિન્ટન રમવા માટ તૈયાર છું. ‘સાઇના’ની ટીમ અને મૅડિકલ ટીમના સપોર્ટને કારણે હું ખૂબ જ જલદી સાજી થઈ ગઈ છું. આ ઇન્ટેન્સ શૂટિંગ શેડ્યુલ માટે હું એકદમ પોઝિટીવ છું કારણ કે એ માટે મારે આઠ-દસ કલાક સુધી રમવાનું છે. મને ખુશી છે કે હું એકદમ ફુલ ફિટ થઈને આવી છું.’