ચિત્રકૂટમાં શૂટ કરવામાં આવેલી પહેલી વેબ-સિરીઝ બની પાતાલ લોક

Published: May 14, 2020, 17:23 IST | Gujarati Mid-day Correspondent | Mumbai

દિલ્હીની આસપાસનાં ઘણાં ગામમાં આ શોનું શૂટિંગ કરવામાં આવ્યું છે

અનુષ્કા શર્માના પ્રોડક્શન-હાઉસ હેઠળ બનેલી ‘પાતાલ લોક’ પહેલી વેબ-સિરીઝ છે જેને ચિત્રકૂટમાં શૂટ કરવામાં આવી છે. ઍમેઝૉન પ્રાઇમ વિડિયો માટે બનાવવામાં આવેલો આ શો એની જાહેરાતથી જ ખૂબ જ ચર્ચામાં રહ્યો છે. આ શોને વાસ્તવિક બનાવવા માટે એને જુદા-જુદા શહેરોમાં શૂટ કરવામાં આવ્યો છે. દિલ્હી, ગુડગાંવ, રોહતક, ચિત્રકૂટ, મુંબઈ અને અમદાવાદની સાથે એને 110 લોકેશન પર શૂટ કરવામાં આવ્યો છે. દિલ્હીની આસપાસનાં ઘણાં ગામમાં આ શોનું શૂટિંગ કરવામાં આવ્યું છે. બુંદેલખંડમાં આવેલા ચિત્રકૂટમાં પણ એનું શૂટિંગ કરવામાં આવ્યુ છે. બુંદેલખંડમાં જ ચંબલ પણ આવેલું છે. પંદર મેએ રિલીઝ થઈ રહેલા આ શોમાં ચિત્રકૂટની સ્ટોરી લાઇન છે અને એ માટેનું લોકેશન રીક્રીએટ ન કરતાં એને ત્યાં જ શૂટ કરવામાં આવ્યું હતું. આ વિશે વાત કરતાં નિર્માતા સુદીપ શર્માએ કહ્યું હતું કે ‘ચિત્રકૂટમાં પહેલી વાર ફિલ્મ અથવા તો વેબ-શોનું શૂટિંગ કરવામાં આવ્યું હશે. અમે જ્યારે શૂટિંગ માટેના લોકેશનની રેકી માટે ગયા હતા ત્યારે અમને ત્યાંના લોકેશન વિશે માહિતી નહોતી. અમારે આ માટે ઇકો-સિસ્ટમની વ્યવસ્થા પહેલેથી જ કરવી પડી હતી. અમે શૂટિંગ કરવા ગયા ત્યારે જ ત્યાં એક હોટેલ ખૂલી હતી એથી અમને એને કારણે ઘણી રાહત મળી હતી. બનારસ જેવું આ એક શહેર છે પરંતુ અહીં એટલી ચહલપહલ નથી.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK