Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > મનોરંજન > વેબ સિરીઝ > આર્ટિકલ્સ > આ અઠવાડિયે આવે છે પાતાલ લોકના હથોડા ત્યાગીની નવી વેબ સીરિઝ, જાણો ક્યાં

આ અઠવાડિયે આવે છે પાતાલ લોકના હથોડા ત્યાગીની નવી વેબ સીરિઝ, જાણો ક્યાં

26 May, 2020 04:12 PM IST | Mumbai Desk
Gujarati Mid-day Online Correspondent | gmddigital@mid-day.com

આ અઠવાડિયે આવે છે પાતાલ લોકના હથોડા ત્યાગીની નવી વેબ સીરિઝ, જાણો ક્યાં

અભિષેક બેનર્જી

અભિષેક બેનર્જી


એમેઝૉન પ્રાઇમ વીડિયોની વેબ સીરિઝ 'પાતાલ લોક'ની હાલ ખૂબ જ ચર્ચા છે. સોશિયલ મીડિયા પર ચાહકો અને ક્રિટિક્સ બન્નેના વખાણ કરી રહ્યા છે. જો કે, કેટલાક સીન્સ અને તસવીરને લઈને વિવાદોમાં પણ ઘેરાયેલી છે. વિવાદ અને ચર્ચા વચ્ચે આ વેબસિરીઝના એક્ટર્સના ખૂબ જ વખાણ થઈ રહ્યા છે. તેમાંથી એક ચર્ચિત પાત્ર છે હથોડા ત્યાગી. હથોડા ત્યાગીનું પાત્ર અભિષેક બેનર્જીએ ભજવ્યું છે. તેમના ચાહકો માટે સારા સમાચાર છે. અભિષેકની નવી વેબ સીરિઝ આ અઠવાડિયે રિલીઝ થવાની છે.

હકીકતે, અભિષેક બેનર્જીની વેબ સિરીઝ કાલીની બીજી સીઝન 29મેના રોજ રિલીઝ થઈ રહી છે. આ સીરિઝ ઝી-5 પર સ્ટ્રીમ થશે. આ નવી સીઝનમાં કાલીનું ફરી એકવાર કમબૅક થશે. જોકે, આ પહેલા સીઝનમાં અભિષેક બેનર્જી નહોતા. આ વખતે લીડ એક્ટ્રેસ પાઉલી દામનું કમબૅક છે. તેમની સાથે દર્શકોને અભિષેકની પણ એક્ટિંગ જોવા મળશે.



કાલીની નવી સીઝનમાં એક મા-દીકરીની સ્ટોરી બતાવવામાં આવશે. બાળકને માતાથી દૂર કરી દેવામાં આવે છે. પોતાના બાળકને બચાવવા માટે કાલી બધાં સામે પંગો લઇ લે છે. પહેલી સીઝનમાં પણ સ્ટોરી લગભગ આવી જ હતી. પહેલી સીઝનમાં કાલી પોતાના બાળકને બચાવવા માટે ક્રાઇમ જગતમાં એન્ટ્રી કરે છે. તે ડ્રગ્સના બિઝનેસમાં લોકોને ટક્કર આપે છે. આ સીઝનમાં આગળની સ્ટોરી બતાવવામાં આવી છે.


કાલી સિવાય ઝી-5 પર વધુ એક વેબ સીરિઝ આવી રહી છે. 'કહેને કો હમસફર હૈ' વેબસીરિઝની ત્રીજી સીઝન આવવાની છે. આ વેબસીરિઝમાં રૉનિત રૉય લીડ રોલમાં છે. 6 જૂનના રોજ આ વેબસીરિઝ સ્ટ્રીમ થવાની છે. હવે જોવાનું એ છે કે અભિષેક બેનર્જીની કાલી અને રૉનિત રૉયની 'કહને કો હમસફર હૈ' દર્શકોને કેટલી પસંદ આવે છે.


Whatsapp-channel Whatsapp-channel

26 May, 2020 04:12 PM IST | Mumbai Desk | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK