સેટ પર હું બધા માટે પંજાબી ટ્યુટર હતો : કુણાલ સલુજા
સેટ પર હું બધા માટે પંજાબી ટ્યુટર હતો : કુણાલ સલુજા
કુણાલ સલુજાનું કહેવું છે કે તે સેટ પર દરેક માટે પંજાબી ટ્યુટર તરીકે પણ કામ કરતો હતો. સોની પર ૨૨ ફેબ્રુઆરીથી આવી રહેલી ‘સરગમ કી સાડેસાતી’માં તે અપારશક્તિ અવસ્થીનું પાત્ર ભજવી રહ્યો છે. આ શો સરગમનું પાત્ર ભજવનાર અંજલિ તત્રારીની આસપાસ ફરતો હોય છે, જેનો આંકડો સાડેસાત સાથે કનેક્શન હોય છે. તેનાં લગ્ન એવા ઘરમાં થાય છે જેમાં સાડાસાત પુરુષ હોય છે અને તે એકલી મહિલા હોય છે. સેટ પર લોકોને પંજાબી શીખવવા વિશે કુણાલ સલુજાએ કહ્યું હતું કે ‘આ શો ગાઝિયાબાદ પર આધારિત છે અને એ દિલ્હીના આઉટસ્કર્ટ્સમાં આવેલું છે. આથી લોકો દિલ્હીની કૉમન લૅન્ગ્વેજ શીખવા માટે તત્પર છે જે પંજાબી છે. સેટ પર બ્રેક દરમ્યાન અમે બધા સાથે મળીને મજાકમસ્તી કરતાં હોઈએ છીએ. તેમ જ અમે એકબીજાને કોઈ નવી વસ્તુ પણ શીખવીએ છીએ. આ શોની ટીમ પંજાબી શીખવા માટે ખૂબ જ ઉત્સુક હતી એથી હું તેમના માટે ટ્યુટર બની ગયો છું. તેમને પંજાબી બેઝિક શીખવીને મને ખુશી મળી છે.’
