ઍક્શનથી ભરપૂર ઓમ: ધ બૅટલ વિધિન

Published: 14th February, 2021 15:58 IST | Gujarati Mid-day Correspondent | Mumbai

આ ફિલ્મનું ત્રણ મહિનાનું શૂટિંગ-શેડ્યુલ ચાલી રહ્યું છે અને એમાં આદિત્ય ભરપૂર ઍક્શન કરતો જોવા મળશે

આદિત્ય રૉય કપૂરની ફિલ્મ ‘ઓમ : ધ બૅટલ વિધિન’ હાલમાં ભરપૂર ઍક્શન મોડમાં છે. આ ફિલ્મનું ત્રણ મહિનાનું શૂટિંગ-શેડ્યુલ ચાલી રહ્યું છે અને એમાં આદિત્ય ભરપૂર ઍક્શન કરતો જોવા મળશે. આ ફિલ્મમાં તેની સાથે સંજના સાંઘી જોવા મળશે. ઝી સ્ટુડિયો દ્વારા પ્રોડ્યુસ અને અહમદ ખાન દ્વારા ડિરેક્ટ કરવામાં આવી રહેલી આ ફિલ્મનો સેટ ફિલ્મસિટીમાં એક કિલોમીટરના એરિયામાં ફેલાયેલો છે. ઍક્શન પૂરી થયા બાદ વિદેશમાં ગીતનું શૂટિંગ કરવામાં આવશે અને એ છેલ્લું શેડ્યુલ હશે. અત્યારે જોરદાર ઍક્શન-સીનનું શૂટિંગ ચાલી રહ્યું છે જે આગામી થોડા દિવસ સુધી ચાલશે. આ માટે હૉલીવુડના સ્ટન્ટ ડિરેક્ટરને બોલાવવામાં આવ્યો છે. આ વિશે વાત કરતાં અહમદ ખાને કહ્યું કે ‘અમે ‘ઓમ : ધ બૅટલ વિધિન’ માટે ગ્રૅન્ડ ઍક્શન-સ્ટન્ટ પ્લાન કર્યા છે જેને અમે આગામી થોડા દિવસ શૂટ કરીશું. મારી ડિરેક્ટર તરીકેની આગામી ફિલ્મોમાં કામ કરનાર ઍક્શન ડિરેક્ટર કેચા ખૅમ્ફેક્ડીએ પરવેઝ શેખ સાથે મળીને સ્ટન્ટને કોરિયોગ્રાફ કર્યા છે. આ સ્ટન્ટના શૂટિંગને જોઈને અમે ખૂબ ઉત્સાહમાં આવી ગયા છીએ. આ ફિલ્મ રિલીઝ થયા બાદ દર્શકોનો રિસ્પૉન્સ જોવા માટે અમે ઉતાવળા થઈ રહ્યા છીએ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK