જેમ્સ બૉન્ડની ફિલ્મ સ્પેક્ટરમાં વિલને વાપરેલી કાર વેચાવા નીકળી
જેમ્સ બૉન્ડની કાર વેચાવા નીકળી
જેમ્સ બૉન્ડની ફિલ્મોમાં માત્ર એનો હીરો જ નહીં, હિરોઇન અને સાઇકો વિલન્સ પણ મોંઘીદાટ કારો ફેરવતા જોવા મળે છે. આ ફિલ્મમાં વપરાયેલી હાઈ એન્ડ કાર્સ અનેકવાર વેચાવા મુકાઈ છે જે અવારનવાર કરોડો રૂપિયા રળી લાવી છે. ૨૦૧૫માં આવેલી જેમ્સ બૉન્ડની સીરિઝની ૨૪મી ફિલ્મ ‘સ્પેક્ટર’માં વિલને વાપરેલી જૅગ્વાર સી-એક્સ ૭૫ મૉડલની કાર અબુધાબીમાં યોજાયેલા એક ઑક્શનમાં મુકાઈ છે. ૩૦ નવેમ્બરે એની હરાજી થશે જેમાં નિષ્ણાતોના મતે ૧૨ લાખ ડૉલર એટલે કે ૮.૪ કરોડ રૂપિયા ઊપજે એવી સંભાવના છે.
