આજના સિંગર્સે જાતે જ ગીતો કમ્પોઝ કરવાં જોઈએ : હિમેશ રેશમિયા
હિમેશ રેશમિયા
હિમેશ રેશમિયાએ નવા સિંગર્સને સલાહ આપતાં જણાવ્યું છે કે તેમણે પોતે જ ગીતો કમ્પોઝ કરવાં જોઈએ જેથી તેઓ પોતાના કમ્પોઝિશનને ઓળખી શકશે. આ વિશે વધુ જણાવતાં હિમેશ રેશમિયાએ કહ્યું હતું કે ‘મારાં ગીતો કદી પણ કન્વેન્શનલ ઝોનમાં નથી રહ્યાં. એ ગીતો હંમેશાંથી અલગ રહ્યાં છે અને આ જ કારણ છે કે અન્ય માટે એને પર્ફોર્મ કરવું અઘરું છે. ઉદાહરણ તરીકે અરિજિત સિંહમાં ગીતોની એ સેન્સ પકડવાની ખરી સમજ છે. જોકે બધામાં એ કળા નથી હોતી. મને લાગે છે કે આજના સિંગર્સે પોતાનાં ગીતો જાતે જ કમ્પોઝ કરવાં જોઈએ. એનાથી તેમને પોતાના કમ્પોઝિશનની સમજ આવશે. એનાથી તેઓ શાઇન કરશે અને દર્શકો સાથે કનેક્ટ થઈ શકશે.’
