પ્રભાસની સાહોમાં નીલ નીતિન મુકેશ બનશે વિલન
આ ફિલ્મમાં નીલ નીતિન મુકેશ વિલનના રોલમાં જોવા મળશે. પ્રભાસની ફિલ્મ તામિલ અને તેલુગુની સાથે હિન્દીમાં પણ રિલીઝ થઈ રહી છે. આ ફિલ્મને ૨૦૧૮ની બિગેસ્ટ ઍક્શન ફિલ્મ ગણવામાં આવી રહી છે. ‘બાહુબલી ૨’ બાદ પ્રભાસ પાસે ફિલ્મની અપેક્ષા વધુ રાખવામાં આવી રહી હોવાથી આ ફિલ્મમાં ખૂબ જ ઍક્શનનો સમાવેશ કરવામાં આવ્યો છે. તેમ જ બૉલીવુડને પણ ટાર્ગેટ કરવામાં આવ્યું હોવાથી ફિલ્મમાં વિલનના પાત્ર માટે નીલ પર પસંદગી ઉતારવામાં આવી છે. આ ફિલ્મનું શૂટિંગ મુંબઈ, અબુ ધાબી અને રોમાનિયામાં કરવામાં આવશે.
