આ છે નવી અનિતાભાભી

Published: 7th January, 2021 16:43 IST | Gujarati Mid-day Correspondent | Mumbai

યસ, ફાઇનલી ઍન્ડ ટીવીના શો ‘ભાભીજી ઘર પર હૈં!’ને નવી અનિતાભાભી મળી ગઈ છે, આ કૅરૅક્ટર હવે નેહા પેંડસે કરવાની છે

નેહા પેંડસે
નેહા પેંડસે

અનિતાભાભી યાદ છેને? મિસિસ વિભૂતિ અને પાડોશી એવા તિવારીજીની ફેવરિટ એવી અનિતાભાભીનું રિપ્લેસમેન્ટ શોધવાનું કામ ઍન્ડ ટીવીના શો ‘ભાભીજી ઘર પર હૈં!’ માટે લાંબા સમયથી ચાલતું હતું પણ હવે ફાઇનલી અનિતાભાભી મળી ગયાં છે. આ કૅરૅક્ટર હવે નેહા પેંડસે કરશે. અનિતાભાભી અને વિભૂતિની કેમિસ્ટ્રી ઉપરાંત આ ઍક્ટ્રેસ એવી પણ શોધવાની હતી જેની પાછળ મનમોહન તિવારી લટ્ટુ હોય એ સ્પષ્ટ દેખાય તો અંગૂરીભાભી સાથે પણ તેનું ટ્યુનિંગ જામે એવું પણ સ્વાભાવિક રીતે દેખાય. લગભગ સો જેટલી ઍક્ટ્રેસનાં અલગ-અલગ ઑડિશન અને મીટિંગ પછી અનિતાભાભી તરીકે નેહા પેંડસે ફાઇનલ થઈ. નેહા કહે છે, ‘આ કૅરૅક્ટર લોકોએ ખૂબ પસંદ કર્યું છે ત્યારે નૅચરલી તમારા પર એનો ભાર હોય તો લોકો તમને સ્વીકારશે કે નહીં એનું પણ તમને ટેન્શન હોય. મને પણ છે, પણ મને ખાતરી છે કે હું આ કામ બેસ્ટ રીતે કરીશ.’

છ વર્ષથી ચાલતા આ શોને નવા લેવલ પર લઈ જવાનું કામ પણ હવે થવાનું છે. નવી અનિતાભાભી આવ્યા પછી શોના આવતા એપિસોડમાં અનિતાભાભીને ધ્યાનમાં રાખીને વાર્તા લાવવામાં આવશે.

‘ભાભીજી ઘર પર હૈં!’માં આ અગાઉ અંગૂરીભાભીનું રિપ્લેસમેન્ટ આવ્યું હતું અને શિલ્પા શિંદેએ શો છોડ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK