સલમાન ખાન સામે નવાઝુદ્દીન સિદ્દીકી
આ ફિલ્મનું શૂટિંગ ત્રીજી નવેમ્બરથી દિલ્હીમાં શરૂ થવાનું છે, પણ નવાઝુદ્દીન સિદ્દીકી એમાં જાન્યુઆરીથી જોડાશે. આમ તો તે કબીર ખાન સાથે ૨૦૦૯માં રિલીઝ થયેલી ‘ન્યુ યૉર્ક’ ફિલ્મમાં કામ કરી ચૂક્યો છે. એ ફિલ્મ બાદ નવાઝુદ્દીન સિદ્દીકી સાથે ફરી કામ કરવાની કબીરની ઇચ્છા હોવા છતાં તે તેને પોતાની એક પણ ફિલ્મમાં લઈ શક્યો નહોતો. હવે કબીર ‘બજરંગી ભાઈજાન’માં નવાઝુદ્દીન સિદ્દીકીને એક એવા રોલમાં પ્રસ્તુત કરવાનો છે જે નકારાત્મક ભૂમિકામાં છે અને સલમાનને કોઈક વાત પર ચૅલેન્જ પણ આપે છે. કબીરની આ પૉલિટિકલ ડ્રામા ફિલ્મ ૨૦૧૫માં ઈદના સમયે રિલીઝ થવાની છે.
