દીકરા સાથે કામ કરવા મિથુનદાની શરતો

Published: Nov 22, 2011, 09:56 IST

તેમની તમામ ઇચ્છાઓ મુજબ ફિલ્મની ટીમ વર્તન કરશે એની ખાતરી આપવામાં આવી ત્યારે જ મહાક્ષય ચક્રવર્તી સાથેની ફિલ્મ સ્વીકારી



મિથુન ચક્રવર્તીએ અત્યાર સુધીમાં તેમના દીકરાની ફિલ્મોમાં ઍક્ટિંગ કરવાના વિકલ્પથી દૂર રહેવાનું જ પસંદ કર્યું છે. મિથુનદાને એક અંધશ્રદ્ધા છે કે તેમના દીકરાની ફિલ્મમાં કામ કરવાથી કદાચ સફળતા ન મળી શકે. જોકે હવે તેમણે એક આગામી ફિલ્મમાં કામ કરવાની હા પાડી છે, જોકે એ માટે તેમણે પોતાની ત્રણ શરતો મૂકી હતી અને એ પૂરી થવાની તેમણે ખાતરી કરી હતી.

મિથુનદા અને મહાક્ષયને સાથે ચમકાવતી ‘એનેમ્મી’ નામની આ ફિલ્મ પોલીસ-ઑફિસરોની સ્ટોરી હશે અને ‘દીવાનાપન’ તથા ‘અલગ’ના ડિરેક્ટર આશુ ત્રિખા આ ફિલ્મની કમાન સંભાળશે. મિથુનદાની પહેલી શરત એ હતી કે તેઓ ઇચ્છતા હતા કે ફિલ્મમાં તેમને અને મહાક્ષયને પિતા-પુત્ર તરીકે કાસ્ટ કરવામાં ન આવે. તેમની બીજી શરત એ હતી કે તેમને સાથે કોઈ ડાન્સ-સીક્વન્સમાં બતાવવામાં નહીં આવે અને ત્રીજી શરત તેઓ ફિલ્મના મુરતમાં હાજરી નહીં આપે. તેમની આ શરતો માની લેવામાં આવી હતી. જોકે મિથુનદા માને છે કે તેઓ કોઈ ફિલ્મના મુરતમાં નથી ગયા, કારણ કે આ બાબતે તેઓ ઘણા અંધશ્રદ્ધાળુ છે અને તેમના દીકરાની ફિલ્મ માટે તો એનું પ્રમાણ ડબલ થઈ જતું હોય છે.
Loading...
 

સંબંધિત સમાચાર

     
    Loading...
    This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK