KBCના બચ્ચનના સુપરહિટ સંવાદોનું લેખન કર્યું છે સ્ક્રિપ્ટ-રાઇટર તેલંગે

Published: 23rd September, 2012 05:18 IST

અમિતાભ બચ્ચનના લોકપ્રિય શો ‘કેબીસી’ એટલે કે ‘કૌન બનેગા કરોડપતિ’ની છઠ્ઠી સીઝન શરૂ થવાની છે અને બિગ બી એના રિહર્સલમાં વ્યસ્ત છે ત્યારે આ શોની સફળતા તેમ જ અમિતાભના સુપરહિટ સાબિત થયેલા સંવાદો અને શબ્દસમૂહો પાછળ જે સ્ક્રિપ્ટ-રાઇટર આર. ડી. તેલંગનો મહત્વનો હાથ છે તેમની જવાબદારી પણ વધી ગઈ છે.



આર. ડી. તેલંગ આ શોની પહેલી સીઝનથી એની સાથે સંકળાયેલા છે અને આ સિવાય ‘અજબ પ્રેમ કી ગઝબ કહાની’ તથા ‘અજુર્ન : ધ વૉરિયર પ્રિન્સ’ જેવી ફિલ્મની પટકથા પણ લખી ચૂક્યા છે. આર. ડી. તેલંગ પર જ આ શોના દરેક એપિસોડની મજબૂત શરૂઆત અને અસરકારક અંત લખવાની જવાબદારી હોય છે.

‘કેબીસી’ એ આમ તો અમિતાભનો જ શો માનવામાં આવે છે, પણ આ શોની ત્રીજી સીઝન શાહરુખ ખાને હોસ્ટ કરી હતી. આર. ડી. તેલંગે આ બન્ને સાથે કામ કર્યું છે. આ બન્ને વચ્ચેનો તફાવત જણાવતાં આર. ડી. તેલંગ કહે છે, ‘બચ્ચનજીમાં ગંભીરતા અને હ્યુમરનું સારું કૉમ્બિનેશન છે. તેઓ ઉચ્ચાર પર બહુ ભાર મૂકે છે એ કારણે તેઓ સાવ સામાન્ય સંવાદ બોલે છે ત્યારે પણ એ બહુ અસરકારક લાગે છે. શાહરુખની સ્ટાઇલ સાવ અલગ છે. તે પોતાની મોટા ભાગની ક્ષમતાનો ઉપયોગ લોકોને હસાવવા માટે કરે છે. તે આજના યુવાનો જેવો અભિગમ ધરાવે છે.’



Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK