મનીષ પૉલ કહેશે જુગ જુગ જિયો

Published: 30th November, 2020 15:18 IST | Rashmin Shah | Mumbai

કરણ જોહરની આ ફિલ્મમાં ટીવીસ્ટારની સાથે વરુણ ધવન અને કિયારા અડવાણી છે

તસવીર સૌજન્ય: ઈન્સ્ટાગ્રામ
તસવીર સૌજન્ય: ઈન્સ્ટાગ્રામ

ધર્મા પ્રોડક્શન અને કરણ જોહરની ફિલ્મ ‘જુગ જુગ જિયો’નું શૂટિંગ ચંડીગઢમાં શરૂ થયું છે. આ ફિલ્મમાં મનીષ પૉલ પણ છે. ઇમોશનલ-કૉમેડી એવી આ ફિલ્મના શૂટિંગમાં જોડાતાં પહેલાં મનીષે કહ્યું હતું કે ‘આ શબ્દો મેં સૌથી વધારે મારી મા પાસે સાંભળ્યા છે. મને ખાતરી છે કે આ વખતે પણ મારી માના જ આશીર્વાદ મને મળે છે.’

મનીષ પૉલ ઉપરાંત ફિલ્મમાં વરુણ ધવન, કિયારા અડવાણી, અનિલ કપૂર અને નીતુ કપૂર તો છે, પણ સાથોસાથ યુટ્યુબ-સ્ટાર પ્રાજક્તા કોલી પણ છે. મનીષ ફિલ્મમાં માત્ર કો-સ્ટાર નથી, પણ વરુણ ધવનના સ્તરના જ રોલમાં છે. મનીષે કહ્યું હતું કે ‘૨૦૨૦માં જેટલી તકલીફો સહન કરી એના વળતરરૂપે જ મને આ ફિલ્મ મળી છે.’

મનીષ પૉલની આ ફિલ્મનું શૂટિંગ ચાર મહિના ચાલશે, જેને લીધે તે ચાર મહિના સુધી હવે ટીવી પર જોવા મળશે નહીં. આ વર્ષે ‘ઇન્ડિયન આઇડલ’ મનીષને જ ઑફર થયો હતો, પણ ફિલ્મને લીધે જ મનીષે આ રિયલિટી શો છોડ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK