આ છે માધુરી દિક્ષિતની ગમતી યાદ, જુઓ તસવીર...
માધુરીએ શેર કરેલી તસવીર
બોલીવુડની ડાન્સિંગ દીવા માધુરી દિક્ષિતે સ્કુલના દિવસોનો ફોટો ઈન્સ્ટાગ્રામ પર શેર કરીને જુની યાદો તાજા કરી છે. આ તસવીર એક ડાન્સ કૉમ્પિટીશનની છે. તસવીરમાં માધુરીની સાથે તેની બહેન પણ છે. બન્ને બહેનો એકદામ સરખી જ દેખાય છે. એટલે બન્નેમાંથી માધુરી કોણ છે એ કહેવું મુશ્કેલ છે.
ઈન્સ્ટાગ્રામના કેપ્શનમાં માધુરીએ લખ્યું હતું કે, આ મરી ગમતી યાદોમાંથી એક છે. અમે હંમેશા શાળાની સ્પર્ધાઓમાં ભાગ લાત હતા. મારા મનગમતા ડાન્સની સાથે બાળપણની યાદો પણ તાજી કરું છું. મને જણાવજો કે તમારા બાળપણની મનગમતી યાદ કઈ છે! અને હા, શું તમે કહી શકો છો બન્નેમાંથી હું કોણ છું?
ADVERTISEMENT
માધુરીના ફોટો પર કમેન્ટ કરતા ફેન્સે જુદા-જુદા પ્રતિસાદ આપ્યા હતા. કોઈકે કહ્યું કે, તમે પાછળની બાજુ છો. તો કોઈએ કમેન્ટ કરી હતી કે, બન્ને તમે જ છો.
માધુરીને બે બહેનો છે, રૂપા અને ભારતી. તસવીર પરથી કહી ન શકાય કે માધુરીની સથે કઈ બહેન છે. અભિનેત્રીએ બહેનને 'બેસ્ટ ડાન્સ બડી' ગણાવી હતી.