માન્યતા દત્તે શૅર કરી આ ઈમોશનલ પોસ્ટ...
તસવીર સોજન્યઃ માન્યતા દત્તનું ઈન્સ્ટાગ્રામ અકાઉન્ટ
આજે ઘણા સેલેબ્ઝે ફૅન્સને દશેરાની શુભેચ્છા આપી હતી, જોકે સંજય દત્તની પત્ની માન્યતા દત્તે એક ઈમોશનલ પોસ્ટ શૅર કરી હતી. છેલ્લા અમૂક અઠવાડિયાથી સંજય દત્તના કુટુંબમાં છેલ્લા ઘણા સમયથી પડકારોનો આભ તૂટી પડ્યો છે.
ADVERTISEMENT
માન્યતાએ ઈન્સ્ટાગ્રામમાં એક પોસ્ટ શૅર કરી જેમાં સંજય દત્ત સાથેનો ફોટો શૅર કરતા લખ્યું કે, આ દશેરા હું એ વ્યક્તિને સમર્પિત કરું છું જે ફક્ત મારા માટે જ નહીં પરંતુ ઘણા લોકો માટે પ્રેરણારૂપ છે. જીવને તેના ઉપર ખૂબ જ સમસ્યાઓ નાખી પરંતુ તેણે શાંતિથી, કૃપાદૃષ્ટિ અને પ્રેમથી લડત આપી છે. જ્યારે અમને લાગ્યુ કે હવે અમને શાંતિ છે ત્યારે જ જીવનમાં અન્ય એક પડકાર આપ્યો. આજે ફરી તેણે સાબિત કર્યું છે કે પૉઝિટિવ માઈન્ડથી તમે કોઈ પણ પરિસ્થિતિનો સામનો કરી શકો છો.
તેણે ઉમેર્યું કે, મને ખરેખર લાગે છે કે સંજુ જેવુ કોઈ નથી, તે મારી શક્તિ છે, મારો ગર્વ છે, મારો રામ છે.
હાલ સંજય દત્ત કેજીએફ2ની તૈયારી કરી રહ્યો છે જેની શૂટિંગ નવેમ્બરથી શરૂ થશે.