બિગ-બૉસ 13ના આ કન્ટેસ્ટન્ટની દીકરીએ લૉકડાઉનમાં કર્યા લગ્ન, જુઓ કોણ છે
અબુ મલિક દીકરી કશિશ સાથે
કોરોના વાયરસ (COVID-19) અને લૉકડાઉનને કારણકે અત્યારે બધા જ જાહેર કાર્યક્રમો અને ધામધૂમથી થતા લગ્ન સમારંભ પર રોક લગાડવામાં આવી છે. એટલે કમ્પોઝર-ગાયક અને બિગ બૉસ અબુ મલિકની દીકરીના લગ્ન પણ સાદાઈથી કરવામાં આવ્યા હતા. અબુ મલિક અને તેમનો જમાઈ અબ્દુલ્લા દાદારકર વર્સોવામાં એક જ બિલ્ડિંગમાં રહેતા હતા એટલે લગ્નના કાર્યક્રમ માટે બન્નેના પરિવારે બહાર જવાની જરૂર નહોતી પડી. તેમજ લગ્ન સમારંભમાં સોશ્યલ ડિસટન્સિંગનું પાલન પણ કરવામાં અવ્યું હતું.
ADVERTISEMENT
લગ્નની વિધીમાં સગા સંબંધીઓ અને મિત્રો સામેલ થઈ શકે તે માટે ઓનલાઈન તેનું પ્રસારણ કર્યું હતું. નિકાહ પહેલા અબુ મલિકે દીકરી કશિશ માટે એક વિશેષ ટ્રેક રજુ કર્યો હતો. નિકાહમાં કશિશે માતા પુનમનો બ્રાઈડલ લહેંગો પહેર્યો હતો.
કશિશ અને અબ્દુલ્લા ઈવેન્ટ મેનેજમેન્ટ કંપની ચલાવે છે અને બન્નેએ આ મુશ્કેલીનો સમય પસાર થઈ જાય પછી રીસેપ્શન રાખવાનું નક્કી કર્યું છે.
તમને જણાવી દઈએ કે અબુ મલિક બિગ-બૉસ 13નો હિસ્સો રહી ચૂક્યા છે, પરંતુ તેઓ થોડા સમયમાં જ ઘરથી બહાર નીકળી ગયા હતા.
