બર્થ-ડે ગર્લ રસિકા દુગ્ગલના શાનદાર પર્ફોર્મન્સ પર નાખીએ એક નજર
રસિકા દુગ્ગલે ઍક્ટિંગમાં એક દાયકા જેટલો સમય પસાર કર્યો છે. આજે તેના બર્થ-ડે નિમિત્તે તેના દમદાર પર્ફોર્મન્સ પર એક નજર નાખીએ. તેણે કેટલીક ફિલ્મો અને વેબ-સિરીઝમાં પણ કામ કર્યું છે, જેમાંના તેના પાંચ શાનદાર પર્ફોર્મન્સ વિશે જોઈએ.
કિસ્સા : ‘કિસ્સા’ રસિકા દુગ્ગલની બ્રેકઆઉટ ફિલ્મ ગણવામાં આવે છે. આ ફિલ્મ તેના ઉત્કૃષ્ટ અભિનય માટે પણ ઓળખાય છે. આ ફિલ્મમાં તે આઝાદી બાદના ભારતમાં એક પંજાબી યુવતીના પાત્રમાં જોવા મળી હતી. તેના પાત્રમાં તેની નિર્દોષતા પણ દેખાતી હતી.
ADVERTISEMENT
મન્ટો : આ ફિલ્મ લેખક સઆદત હસન મન્ટોના જીવન પર આધારિત હતી. તેમની વાઇફની ભૂમિકામાં રસિકા જોવા મળી હતી. પોતાની દમદાર ઍક્ટિંગથી તેણે લોકોનાં દિલ જીત્યાં હતાં.
મિર્ઝાપુર : પોતાના સૉફ્ટ પાત્રની છબીમાંથી બહાર નીકળીને રસિકાએ ‘મિર્ઝાપુર’માં વીણા ત્રિપાઠીના કામુક પાત્રને સાકાર કર્યું હતું. આ પાત્ર સાથે તેણે ફરી એક વાર લોકોનાં દિલ જીતી લીધાં હતાં. હવે તે ફરી એક વાર ‘મિર્ઝાપુર’ની બીજી સીઝનમાં પણ દેખાવાની છે. એમાં તે લોકોને ચોંકાવી દેશે.
હામિદ : ફિલ્મ ‘હામિદ’માં રસિકાના અભિનયે લોકોનાં દિલને સ્પર્શી લીધો હતો. આ ફિલ્મમાં તે એક યુવાન મમ્મીની ભૂમિકામાં જોવા મળી હતી. કાશ્મીરના તનાવપૂર્ણ વાતાવરણમાં પતિને ગુમાવ્યા બાદ તે એકલી પોતાના બાળકનો ઉછેર કરે છે. તેના આ પર્ફોર્મન્સે લોકોને પોતાની તરફ આકર્ષિત કર્યા હતા.
દિલ્હી ક્રાઇમ : ‘દિલ્હી ક્રાઇમ’માં રસિકા એક યુવાન પોલીસ-ઑફિસર નીતિ સિંહના પાત્રમાં જોવા મળી હતી. એમાં ૨૦૧૨ના ચર્ચિત નિર્ભયા બળાત્કાર કેસની સ્ટોરી દેખાડવામાં આવી હતી.
આ સાથે જ તે ‘લૂટ કેસ’, ‘મિર્ઝાપુર 2’, ‘દિલ્હી ક્રાઇમ 2’ અને મીરા નાયરની ‘અ સૂટેબલ બૉય’માં પણ જોવા મળવાની છે.
