ક્રિતી સૅનન મીમી માટે ૧૫ કિલો વજન વધારશે

Published: Jan 13, 2020, 17:10 IST | Mumbai Desk

કભી ઈદ કભી દિવાલીમાં સલમાન ખાન સાથે દેખાશે ક્રિતી સૅનન?

‘મીમી’માં સરોગેટ મધરના રોલ માટે ક્રિતી સૅનનને ૧૫ કિલો વજન વધારવાનું છે. આ ફિલ્મ ૨૦૧૧માં આવેલી મરાઠી ફિલ્મ ‘મલા આઇ વ્હાયચય’ની હિન્દી રીમેક છે. લક્ષ્મણ ઉટેકર આ ફિલ્મને ડિરેક્ટ કરી રહ્યો છે અને દિનેશ વિજન પ્રોડ્યુસ કરી રહ્યો છે. આ ફિલ્મમાં પંકજ ત્રિપાઠી અને સઈ તામ્હણકર પણ અગત્યની ભૂમિકામાં જોવા મળશે. આ ફિલ્મ અને એનું પાત્ર ક્રિતીના દિલની ખૂબ નજીક છે. પોતાના પાત્ર વિશે જણાવતાં ક્રિતીએ કહ્યું હતું કે ‘મારા માટે આટલું વધારે વજન વધારવું એક પડકાર જ છે, કેમ કે મારા શરીર માટે આ નવું છે. મારા મેટાબોલિઝમ સાથે ફાઇટ કરીને મારે થોડા સમયમાં એવી રીતે વજન વધારવાનું છે કે મારી કૅલરી પણ જળવાઈ રહે. જોકે આ પરિવર્તન જોવા માટે હું ખૂબ એક્સાઇટેડ પણ છું. આ રોલ મારા દિલની ખૂબ નજીક હોવાથી એમાં પ્રાણ પૂરવા માટે હું કંઈ પણ કરવા તૈયાર છું. એટલે સુધી કે એ દરમ્યાન હું અન્ય કોઈ કામ પણ નહીં કરું.’

કભી ઈદ કભી દિવાલીમાં સલમાન ખાન સાથે દેખાશે ક્રિતી સૅનન?

મુંબઈ : સલમાન ખાનની ‘કભી ઈદ કભી દિવાલી’ની જાહેરાત થતાં હવે એવી શક્યતા છે કે ક્રિતી સૅનન આ ફિલ્મમાં જોવા મળવાની છે. આ ફિલ્મને સાજિદ નડિયાદવાલા પ્રોડ્યુસ કરશે. ફિલ્મના ડિરેક્ટર ફરહાદ સામજી છે. સાજિદ નડિયાદવાલાએ જ ‘હીરોપંતી’ દ્વારા ક્રિતીને લૉન્ચ કરી હતી. સાથે જ ક્રિતી હાલમાં સાજિદ નડિયાદવાલા અને ફરહાદ સામજી સાથે ‘બચ્ચન પાન્ડે’માં કામ કરી રહી છે. આ ફિલ્મ આ વર્ષે ક્રિસમસ દરમ્યાન રિલીઝ થવાની છે. સલમાન હાલમાં ‘રાધે : યૉર મોસ્ટ વૉન્ટેડ ભાઈ’માં બિઝી છે. ‘કભી ઈદ કભી દિવાલી’ના મેકર્સે હજી સુધી આ વિશે કોઈ વધુ માહિતી નથી આપી. જોકે ચર્ચા તો એ જ ચાલી રહી છે કે ક્રિતી સૅનન ‘કભી ઈદ કભી દિવાલી’માં જોવા મળવાની છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK