Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > મનોરંજન > બૉલિવૂડ સમાચાર > આર્ટિકલ્સ > #MeTooને કારણે ફિલ્મ પર અસર ન પડે એની તકેદારી રાખવી જોઈએ: ક્રિતી

#MeTooને કારણે ફિલ્મ પર અસર ન પડે એની તકેદારી રાખવી જોઈએ: ક્રિતી

22 February, 2019 11:01 AM IST |

#MeTooને કારણે ફિલ્મ પર અસર ન પડે એની તકેદારી રાખવી જોઈએ: ક્રિતી

ક્રિતી સૅનન

ક્રિતી સૅનન


ક્રિતી સૅનનનું કહેવું છે કે#MeToo અભિયાનને કારણે તેમની ફિલ્મ પર કોઈ અસર ન પડે એની તકેદારી રાખવામાં આવી હતી. ‘હાઉસફુલ ૪’માં ડિરેક્ટર સાજિદ ખાન અને નાના પાટેકર પર લાગેલા સેક્સ્યુઅલ હૅરૅસમેન્ટના આરોપને કારણે તેમને ફિલ્મમાંથી દૂર કરવામાં આવ્યા હતા. સાથે જ ફરહાદ સામજીને ડિરેક્શનની જવાબદારી સોંપવામાં આવી હતી. નાના પાટેકરને બદલે રાણા દગુબટ્ટીને લેવામાં આવ્યો છે. આ ફિલ્મ વિશે ક્રિતી સૅનને કહ્યું હતું કે ‘આ તમામ ઘટનાઓને કારણે સેટ પર અજીબ લાગતું હતું. ફિલ્મની અધવચ્ચે જ અચાનક બીજા ડિરેક્ટરને ફિલ્મની કમાન સોંપવામાં આવી હતી, પરંતુ અમે પ્રોડ્યુસર સાજિદ નડિયાદવાલા સર પર બધો આધાર રાખ્યો હતો. તેમણે કેટલાક નિર્ણયો લીધા અને ખૂબ જ સરસ રીતે બધું સંભાળી લીધું હતું. અમે બે દિવસથી વધુ શૂટિંગ બંધ નહોતું રાખ્યું. અમે એક દિવસ પહેલાં જ ફિલ્મનું શૂટિંગ પૂરું કરી લીધું હતું. અમે ફિલ્મ સારી બને એ જ ઇચ્છા રાખતાં હતાં અને એ વાતની પણ તકેદારી રાખી હતી કે ફિલ્મ પર કોઈ પ્રકારની માઠી અસર ન પડે. એક વાર જો ફિલ્મ બની જાય તો એ હંમેશાં માટે બની જાય છે. અમે બધાં એ માટે સાથે હતાં.’

આ પણ વાંચો: તૈમુરના ફોટો ક્લિક કરવા માટે ક્યારેય ના નથી પાડી: કરીના



ફિલ્મ માટે વધારે પૈસા ખર્ચીને કેટલાક સીન્સ રીશૂટ કરવામાં આવ્યા હતા. આ વિશે ક્રિતીએ કહ્યું હતું કે ‘એ ઘટના બાદ અમે કેટલાક અગત્યના જેવા કે ઇન્ટરવલ અને ક્લાઇમૅક્સનું શૂટ કર્યું હતું. આ સીક્વન્સિસ ખૂબ જ ક્રેઝી હતી, કારણ કે આખી સ્ટારકાસ્ટ સાથે હતી. અમારા પ્રોડ્યુસરે વધારે પૈસા ખર્ચીને એ સીન્સ રીશૂટ કરાવ્યા હતા.’


Whatsapp-channel Whatsapp-channel

22 February, 2019 11:01 AM IST |

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK