‘ખિલાડી ૭૮૬’ માટેની કારને અનાયાસ જ નંબર મળ્યો ૭૮૬

Published: 19th November, 2012 06:51 IST

સિંગર-ઍક્ટર-પ્રોડ્યુસર હિમેશ રેશમિયા સાથે કો-પ્રોડક્શનમાં બની રહેલી ફિલ્મ ‘ખિલાડી ૭૮૬’ માટે અક્ષયકુમાર થોડા સમય પહેલાં દુબઈમાં શૂટિંગ કરી રહ્યો હતો. તેણે એક સૉન્ગ પણ શૂટ કર્યું હતું. યોગાનુયોગ જે લક્ઝરી કાર સૉન્ગ માટે લાવવામાં આવી હતી એની નંબર-પ્લૅટ પર પણ ૭૮૬ નંબર લખેલો હતો, જે ફિલ્મના ટાઇટલમાં છે.



ફિલ્મના ક્રીએટિવ-પ્રોડ્યુસર રાકેશ ઉપાધ્યાયે શૂટિંગ માટેની બધી અરેન્જમેન્ટ કરી હતી. તેમણે ત્યાંના સ્થાનિક ડીલર પાસે આ કાર બુક કરાવી હતી અને જ્યારે કાર સેટ પર આવી ત્યારે એના પર ૭૮૬ નંબર જોઈને બધા દંગ રહી ગયા હતા.

અક્ષયકુમારને આ યોગાનુયોગથી ખૂબ થ્રિલર ફીલ થઈ હતી. આ બાબતે તેને લાગે છે કે ફિલ્મ માટે આ ઘણી પૉઝિટિવ બાબત બની રહેશે.

આ ગીતનું ડિરેક્શન અમેરિકન ડિરેક્ટર ડેવિડ ઝેનીએ કર્યું હતું. એનું શૂટિંગ દુબઈ નજીક મરગમ અને ઓમાનના હત્તામાં થયું હતું. પીયૂષ પંચાલે એની કોરિયોગ્રાફી કરી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK