પાર્ટીમાં કેટરિના આવી તો નીતુ કપૂર ગેરહાજર

Published: 29th December, 2015 03:12 IST

શશી કપૂર દ્વારા યોજવામાં આવેલી ક્રિસમસની લંચ-પાર્ટીમાં કપૂર ખાનદાનના તમામ સભ્યો જોવા મળ્યા હતા, પરંતુ નીતુ કપૂર કૅટરિના કૈફને કારણે ગેરહાજર હતી એવી ચર્ચા ચાલી રહી છે.

આ વર્ષે કપૂરપરિવાર દ્વારા યોજવામાં આવેલી ઍન્યુઅલ પાર્ટીમાં તે હાજર હતી, પરંતુ ક્રિસમસની લંચ-પાર્ટીમાં તે ગેરહાજર હતી. જોકે એ પાર્ટીમાં આ વર્ષે એક નવા સભ્યનો ઉમેરો થયો હતો અને એ હતી કૅટરિના કૈફ. કૅટરિનાએ આ પાર્ટીમાં હાજરી આપવા માટે લંડનના તેના ઘરે જવાનું માંડી વાળ્યું હતું. અગાઉ કૅટરિના અને નીતુ વચ્ચે અણબનાવ ચાલી રહ્યા હતા એવા સમાચાર આવ્યા હતા. આ વર્ષે હોળીના તહેવાર દરમ્યાન નીતુએ રણબીર અને દીપિકા પાદુકોણનો ફોટો સોશ્યલ નેટવર્ક પર શૅર કર્યો હતો. એ સિવાય નીતુએ એક ફૅમિલી ઇવેન્ટનો ફોટો શૅર કર્યો હતો જેમાં તેણે કૅટરિનાને કાઢી નાખી હતી. જોકે એ ફોટો પછી રણબીરની બહેન રિદ્ધિમાએ કૅટરિના સાથે શૅર કર્યો હતો એથી કૅટરિનાની હાજરીથી નીતુ ગેરહાજર રહી હતી એવી વાતો ચાલી રહી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK