‘બિગ બૉસ’ના ઘરમાં કાશિફ કુરેશી કરશે વાઇલ્ડ કાર્ડ એન્ટ્રી

Published: 2nd November, 2012 05:33 IST

‘બિગ બૉસ’ના ઘરમાં ‘કૉમન મૅન’ તરીકે આવેલો કાશિફ કુરેશી ફરી એકવાર બિગ બૉસના ઘરમાં જોવા મળશે એવી વાતો ચર્ચાઈ રહી છે.

હૈદરાબાદનો આ માર્શલ આર્ટિસ્ટ કોઈ કૉમન મૅન નથી એવું આ પહેલાં જ સાબિત થઈ ચૂક્યું છે. કાશિફ પહેલેથી સલમાન ખાનને ઓળખે છે ને એટલે તેને આ શોમાં સ્પર્ધક તરીકે એન્ટ્રી મળી છે. તેણે સલ્લુ સાથે ‘વૉન્ટેડ’માં કામ પણ કર્યું છે.

કાશિફની ‘બિગ બૉસ’ના ઘરમાંથી આટલી ઝડપથી ઍક્ઝિટ થઈ ગઈ એ વાતની સૌને નવાઈ લાગી હતી, કેમ કે તે ઘરમાં સારોએવો તમાશો ક્રીએટ કરતો હતો. જોકે હવે તેને ફરીથી વાઇલ્ડ કાર્ડ એન્ટ્રી આપવામાં આવશે.

ગયા વર્ષે પણ સલમાનના કહેવાથી ચૅનલે મહેક ચહલને સ્પર્ધક તરીકે લીધી હતી અને તે પણ એક વાર આઉટ થઈ ગયા પછી ફરી હોસ્ટના આગ્રહથી વાઇલ્ડ કાર્ડ એન્ટ્રી પામી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK