ડાકણોથી ઘેરાયેલાં કાર્તિક અને કિયારા અડવાણી
કાર્તિક આર્યન અને કિયારા અડવાણીનો એક ફોટો વાઇરલ થયો છે જેમાં તેઓ ડાકણોથી ઘેરાયેલાં દેખાઈ રહ્યાં છે. આ ફોટો ‘ભૂલભુલૈયા 2’ના સેટ પરનો છે. આ બન્ને રામૅન્સ કરી રહ્યાં છે અને તેમની આસપાસ ડાકણો ઊભી છે. એમના ચહેરા વાળથી ઢંકાયેલા છે. આ ફિલ્મ ૨૦૦૭માં આવેલી ‘ભૂલભુલૈયા’ની સીક્વલ છે. એમાં અક્ષયકુમાર અને વિદ્યા બાલન લીડ રોલમાં હતાં. અનીસ બઝ્મીની ‘ભૂલભુલૈયા 2’માં કાર્તિક અને કિયારાની સાથે તબુ પણ લીડ રોલમાં જોવા મળશે. કિયારા સાથેનો ફોટો ઇન્સ્ટાગ્રામ પર શૅર કરીને કાર્તિકે કૅપ્શન આપી હતી કે ‘પ્યાર મેં ઇતને ભી અંધે મત હો જાઓ કિ ચુડૈલ ભી ના દિખે.’
