કરીના કપૂરનાં લગ્નને કારણે કરિશ્માના સાસરામાં ધમાલ

Published: 14th October, 2012 05:16 IST

કરિશ્મા કપૂરે તેના દિલ્હીમાં રહેતા બિઝનેસમૅન પતિ સંજય કપૂરથી ભલે હજી સુધી ડિવૉર્સ ન લીધા હોય, પણ તે પોતાના પતિથી અલગ સંતાનો સાથે મુંબઈમાં રહે છે અને દિલ્હીમાં પતિ સંજય સોશ્યલાઇટ પ્રિયા ચટવાલની સાથે અંતરંગ સંબંધો ધરાવે છે એ જગજાહેર વાત છે.

હવે જ્યારે ૧૬ ઑક્ટોબરે કરીના કપૂર અને સૈફ અલી ખાનનાં લગ્ન છે ત્યારે એમાં હાજરી આપવા સંજયના પરિવારને પણ આમંત્રણ આપવામાં આવ્યું છે. સંજય આ લગ્નમાં પોતાની વર્તમાન પ્રેમિકા પ્રિયાને પણ લઈ જવા માગે છે, પણ સંજયના પરિવારજનો આનો વિરોધ કરી રહ્યા છે. મળતી માહિતી પ્રમાણે આ વાતની ચર્ચા કરતી વખતે એક તબક્કે તો વાતાવરણ એટલું ઉગ્ર થઈ ગયું હતું કે સંજયે વાઇન ભરેલો ગ્લાસ તેની બહેન મંદિરા તરફ ફેંક્યો હતો. નોંધનીય છે કે સંજયની બહેન મંદિરા અને કરિશ્મા વચ્ચે બહુ સારી મિત્રતા છે અને સંજયના પરિવારને તેના જીવનમાં પ્રિયાની હાજરી બિલકુલ પસંદ નથી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK