કાશ્મીરની રાણી દિદ્દા બનશે કંગના
કાશ્મીરની રાણી દિદ્દા બનશે કંગના
કંગના રનોટ હવે ‘મણિકર્ણિકા’ની ફ્રૅન્ચાઇઝી હેઠળ કાશ્મીરની રાણીની વીરગાથા દેખાડશે. ‘મણિકર્ણિકા રિટર્ન્સ : ધ લેજન્ડ ઑફ દિદ્દા’માં દેખાડવામાં આવશે કે તેમણે કઈ રીતે મહમૂદ ગઝનવીને બે વખત હરાવ્યો હતો. આ ફિલ્મને કમલ જૈન સાથે મળીને કંગના બનાવવાની છે. ફિલ્મને ભવ્ય અને આંતરરાષ્ટ્રીય સ્તરની બનાવવામાં આવશે. ભારતમાં વિસરાઈ ચૂકેલી વીરાંગનાના જીવન પર પ્રકાશ પાડવાના ઉદ્દેશથી આ ફિલ્મ બનાવવામાં આવવાની છે. ફિલ્મનું શૂટિંગ ૨૦૨૨ની જાન્યુઆરીથી શરૂ કરવાની યોજના છે. એ પહેલાં કંગના પોતાનાં બધાં કમિટમેન્ટ્સ પૂરાં કરવાની છે. કમલ જૈન સાથેની મુલાકાતનો ફોટો ટ્વિટર પર શૅર કરીને કંગનાએ ટ્વીટ કર્યું હતું કે ‘આપણો ભારત દેશ ઝાંસીની રાણી જેવી વીરાંગનાઓનો સાક્ષી રહ્યો છે. આવી જ એક વીરગાથા છે કાશ્મીરની રાણીની, જેણે મહમૂદ ગઝનવીને બે વખત હરાવ્યો હતો. ‘મણિકર્ણિકા રિટર્ન્સ : ધ લેજન્ડ ઑફ દિદ્દા’ હું અને કમલ જૈન લઈને આવી રહ્યાં છીએ.’
