તામિલ શીખવું મારા માટે અઘરું છે : કંગના રનોટ
કંગના રનોટ
‘થલાઇવી’માં જયલલિતાનું પાત્ર ભજવતી કંગના રનોટ માટે તામિલ ભાષા શીખવાનું અઘરું પડી રહ્યું છે. આ ફિલ્મ માટે તેણે ભરતનાટ્યમની પણ ટ્રેઇનિંગ લઈ રહી છે. સાથે જ પ્રોસ્થેટિક મેકઅપ સેશન માટે તે કલાકોના કલાકો પસાર કરી રહી છે. સ્વર્ગીય જયલલિતા તામિલનાડુનાં મુખ્ય પ્રધાન હતાં. તેમની બાયોપિકની ડિમાન્ડ પ્રમાણે ભાષા શીખતી કંગનાએ કહ્યું હતું કે ‘મારા માટે તામિલ શીખવું અઘરું છે. મારે ડાયલૉગ્સ ગોખવા પડી રહ્યા છે. શરૂઆતમાં હું પૂરી ભાષા શીખવાનો પ્રયાસ કરી રહી હતી, કારણ કે હું અંગ્રેજી પણ શીખી છું. હું હવે ફિલ્મની સ્ક્રિપ્ટની ડિમાન્ડ પ્રમાણે તામિલ શીખી રહી છું.’