આખરે કોના કહેવા પર કંગના રનોટ શાંત પડી

Published: Sep 06, 2020, 17:59 IST | Gujarati Mid-day Online Correspondent | Mumbai

કંગનાએ મુંબઈ જવાની જાહેરાત કરતા તેના પિતા ચિંતામાં મૂકાયા હતા જેથી શનિવારે રાત્રે તેઓ મનાલી પહોંચ્યા હતા. તેમણે આ બાબતે કંગના સાથે વાતચીત કરી. વિગતવાર ચર્ચા બાદ કંગનાએ તેની મમ્મી આશા રનોટને પ્રોમીસ કર્યું કે તે હવે પંગો નહીં લે

કંગના રનોટ
કંગના રનોટ

કંગના રનોટ (Kangana Ranaut) છેલ્લા ઘણા દિવસોથી પોતાના બિન્દાસ સ્ટેટમેન્ટ માટે વિવાદમાં છે. કંગના અને શિવસેના પ્રવક્તા સંજય રાઉત (Sanjay Raut) આમને સામને આવી ગયા હતા. અભિનેત્રીએ થોડાક દિવસો પહેલાં મુંબઈની પાકિસ્તાન અધિકૃત કાશ્મીર (POK) સાથે સરખામણી કરી હતી. તેણે આપેલા આ નિવેદન બાદ શિવસેના સતત તેના પર પ્રહાર કરી રહી છે. જેમાં સંજય રાઉત સૌથી વધારે આક્રમક છે. ભાજપ નેતા સંબિત પાત્રાએ સંજય રાઉત ઉપર પ્રહાર કર્યો હતો.

આ બધામાં કંગનાના પિતા અમરદીપ સિંહ રનોટ ચિંતામાં હતા. કંગનાએ મુંબઈ જવાની જાહેરાત કરતા તેના પિતા ચિંતામાં મૂકાયા હતા જેથી શનિવારે રાત્રે તેઓ મનાલી પહોંચ્યા હતા. તેમણે આ બાબતે કંગના સાથે વાતચીત કરી. વિગતવાર ચર્ચા બાદ કંગનાએ તેની મમ્મી આશા રનોટને પ્રોમીસ કર્યું કે તે હવે પંગો નહીં લે. કંગનાને શાંત કર્યા બાદ ફેમિલી ડીનર કર્યું હતું.

કંગનાને મળવા તેના પિતા શુક્રવારે સવારે જ નીકળ્યા હતા પરંતુ મનાલી- ચંડીગઢ નેશનલ હાઈવે દવાડા પાસે બંધ હોવાથી તેમણે કમાંદ કટોલા-બજોરાથી થઈને જવુ પડ્યું હતું. આ રસ્તામાં ટ્રકોને લીધે ખૂબ જ ટ્રાફિક હતું અને તે ખાસા કલાકો સુધી ટ્રાફિકજામમાં ફસાયેલા રહ્યા હતા.

પિતા અમરદીપ સિંગ રનોટે કંગના માટે સિક્યોરિટી પુરી પાડવાની વિનંતી કેન્દ્ર સરકારને કરી છે. ઘરમાં થયેલી ચર્ચાનો વીડિયો કંગનાએ ટ્વીટરમાં અપલોડ કરીને લખ્યું કે, તમે માફિયાઓથી લડી શકો છો, સરકારને પડકારી શકો છો, પરંતુ ઈમોશનલ બ્લેકમેલિંગથી બચવું મુશ્કેલ છે. મારા ઘરમાં જે થયું તે તમે જોઈ શકો છો. દરેક જણને લક્ષ્મીબાઈ કે ભગત સિંહ જોઈએ છે પરંતુ પોતાના ઘરમાં નહીં. દરેક પેરેન્ટ્સની એવી જ ઈચ્છા હોય કે તેમનું બાળક આરામથી જીંદગી જીવે.

પેરેન્ટ્સના પ્રેશરને લીધે તે હવે કોઈ વિવાદ ઉભો નહી કરે એવુ પ્રોમિસ તેણે કર્યું છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK