કંગનાએ મેક-અપ માટે ૧૨ કલાક બેસવું પડે છે

Published: 29th November, 2012 03:07 IST

નેક્સ્ટ ફિલ્મમાં ગૅન્ગસ્ટરના લુક માટે કરવી પડે છે આટલી મહેનત



કંગના રનૌત તેની આગામી ફિલ્મમાં ગૅન્ગસ્ટરનો રોલ કરી રહી છે. આ ફિલ્મમાં કંગનાનો લુક સાવ જ અલગ છે અને કંગના તેના આ લુક માટે આકરી મહેનત કરી રહી છે. મળતી માહિતી પ્રમાણે ફિલ્મના આ ખાસ લુક માટે કંગનાએ શૂટિંગ માટે સતત ૧૨ કલાક સુધી

મેક-અપ કરાવવો પડે છે. આ પહેલાં બૉલીવુડના કલાકારોમાંથી માત્ર અમિતાભ બચ્ચને જ ‘પા’ના શૂટિંગ માટે ખાસ પ્રોસ્થેટિક મેક-અપ કરવા માટે આટલી બધી જહેમત ઉઠાવી હતી.

પ્રોડ્યુસર તિગ્માંશુ ધુલિયા અને ડિરેક્ટર સાંઈ કબીરની આ ફિલ્મ પહેલાં તબુને ઑફર કરવામાં આવી હતી, પણ તેણે ના પાડતાં આખરે કંગનાને આ રોલ માટે સાઇન કરવામાં આવી છે. આ વિશે વાત કરતાં ફિલ્મ સાથે સંકળાયેલી એક વ્યક્તિ કહે છે, ‘કંગના આ રોલ માટે બહુ મહેનત કરી રહી છે. તેને મેક-અપ કરીને તૈયાર થતાં ૧૨ કલાક લાગે છે અને પછી તે સતત પાંચ કલાક શૂટિંગ કરે છે. આમ આ રોલ માટે તે સતત ૧૭ કલાક સુધી શૂટિંગ કરે છે. કંગનાનું તેના રોલ પ્રત્યેનું આ સમર્પણ જોઈને બધા ખુશ છે.’

કંગનાનો લુક માયાવતી પરથી પ્રેરિત?

ચર્ચા છે કે ફિલ્મમાં કંગના રનૌતના લુકની પ્રેરણા ઉત્તર પ્રદેશનાં રાજકારણી માયાવતી પરથી લેવામાં આવી છે. જોકે આ ચર્ચાને હજી ફિલ્મના સર્જકોએ કોઈ સત્તાવાર સમર્થન નથી આપ્યું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK