કાજોલે લંડનના મેયરને કર્યા હેરાન

Published: 30th November, 2012 03:07 IST

લંડનના મેયર બોરિસ જૉન્સન હાલમાં ભારતની મુલાકાતે આવ્યા છે.


અહીં તેમને હૈદરાબાદથી મુંબઈ જતી વખતે ફ્લાઇટમાં ઇકૉનૉમી ક્લાસમાં ટ્રાવેલ કરવું પડ્યું હતું. એનું કારણ એ હતું કે કાજોલ એ જ ફ્લાઇટમાં હતી અને બિઝનેસ ક્લાસની તમામ સીટો કાજોલે પોતાના રસાલા માટે બુક કરી લીધી હતી. લંડનના મેયરે જખ મારીને ઇકૉનૉમી ક્લાસમાં જ ટ્રાવેલ કરવું પડ્યું, કેમ કે કાજોલની ટીમનો કોઈ પણ મેમ્બર પોતાની બિઝનેસ ક્લાસની સીટ જતી કરવા તૈયાર ન થયો.

એમ છતાં બોરિસે માઇક્રોબ્લૉગિંગ સાઇટ પર લખ્યું કે ‘બૉલીવુડના ઘર સમા મુંબઈમાં જસ્ટ લૅન્ડ થયો. મેગા ફિલ્મસ્ટાર કાજોલને પણ મળ્યો.’

તેમણે કાજોલ સાથેનો પોતાનો ફોટો પણ એમાં અપલોડ કર્યો હતો. જોકે થયેલા અનુભવ પરથી મેયરસાહેબને બૉલીવુડના સ્ટારનાં નખરાંનો અંદાજ જરૂર આવી ગયો હશે.



Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK