2020માં કૉમેડી પાત્રો ભજવવા છે જેનિફરને
જેનિફર વિન્ગેટ
જેનિફર વિન્ગેટનું કહેવું છે કે ૨૦૨૦માં તેણે હવે કૉમેડી રોલ કરવા છે. વર્ષની શરૂઆતમાં દરેક ઍક્ટર કોઈ ને કોઈ સંકલ્પ લે છે અને જેનિફર કૉમેડી કરવા માગે છે. તે હાલમાં ‘બેહદ ૨’માં માયાના પાત્રમાં જોવા મળી રહી છે. આ વર્ષ તે વેબ-શો ‘કોડ એમ’ દ્વારા ડિજિટલ ડેબ્યુ કરી રહી છે જેમાં તે ઍક્શન અવતારમાં જોવા મળશે. નવા વર્ષના સંકલ્પ વિશે વાત કરતાં જેનિફરે કહ્યું હતું કે ‘૨૦૨૦માં મારે ખરેખર કૉમેડી પાત્રો ભજવવાં છે અને કેટલાક લાઇટ-હાર્ટેડ શોમાં કામ કરવું છે. ટીવી પર ‘બેહદ’ દ્વારા મને એક અલગ જ ઇમેજ મળી છે અને માયાને પસંદ કરવા માટે હું દરેક દર્શકોનો આભાર માનું છું. મેં મોટા ભાગના પ્રકારનાં પાત્રો ભજવ્યાં છે, હવે કૉમેડી બાકી છે. મારા આવનારા વેબ-શોમાં મેં ઍક્શન કરી છે અને શૂટિંગ દરમ્યાન મેં એને એન્જૉય પણ ઘણી કરી હતી.’
