Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > મનોરંજન > બૉલિવૂડ સમાચાર > આર્ટિકલ્સ > જગ્ગા જાસૂસમાં ગોવિંદા નથી એ અમારું નુકસાન છે : અનુરાગ બાસુ

જગ્ગા જાસૂસમાં ગોવિંદા નથી એ અમારું નુકસાન છે : અનુરાગ બાસુ

01 July, 2017 05:19 AM IST |

જગ્ગા જાસૂસમાં ગોવિંદા નથી એ અમારું નુકસાન છે : અનુરાગ બાસુ

જગ્ગા જાસૂસમાં ગોવિંદા નથી એ અમારું નુકસાન છે : અનુરાગ બાસુ


govinda

આ ફિલ્મમાં ગોવિંદાને રણબીર કપૂરના પપ્પાનું પાત્ર ઑફર થયું હોવાની વાતો ચાલી હતી અને તેણે એનું શૂટિંગ પણ પૂરું કર્યું હતું. જોકે ગોવિંદાએ ત્યાર બાદ કહી દીધું હતું કે તે આ ફિલ્મનો ભાગ નથી. હાલમાં જ ઇન્ટરનેટ પર વાઇરલ થયેલા ગોવિંદા, કૅટરિના અને રણબીરના ફોટોને લઈને એવી વાતો ચાલી હતી કે તે આ ફિલ્મમાં જોવા મળશે. જોકે ફિલ્મનું ટ્રેલર ગુરુવારે લૉન્ચ કરવામાં આવ્યું ત્યારે એમાં ગોવિંદા ન દેખાયો હોવાથી એ કન્ફર્મ થઈ ગયું હતું કે ફિલ્મમાં ગોવિંદા નથી. આ વિશે પૂછવામાં આવતાં અનુરાગ બાસુ કહે છે, ‘મેં આ ફિલ્મના પહેલા શેડ્યુલમાં ગોવિંદા સાથે ઘણા દિવસ સુધી શૂટિંગ કર્યું હતું. ત્યાર બાદ ફિલ્મની સ્ટોરીમાં બદલાવ કરવામાં આવ્યો તેથી આ ફિલ્મમાં હવે ગોવિંદા નથી. તેમનો પાર્ટ હવે આ ફિલ્મમાં નથી. મેં જ્યારે તેમને આ ફિલ્મમાં નાનકડી ભૂમિકાની ઑફર કરી હતી ત્યારે તેમણે એ સ્વીકારી હતી, જે માટે હું આભારી છું. જોકે ફિલ્મમાં તેઓ નથી એ અમારું નુકસાન છે.’

anurag basu



કિશોરકુમારની બાયોપિકને લગતી કાયદાકીય કાર્યવાહી પૂરી થયા બાદ જ અનુરાગ બાસુ શૂટિંગ શરૂ કરશે

અનુરાગ બાસુનું કહેવું છે કે તે પહેલાં કિશોરકુમારની બાયોપિકની તમામ કાયદાકીય આંટીઘૂંટીને પૂરી કરશે ત્યાર બાદ ફિલ્મનું શૂટિંગ શરૂ કરશે. આ ફિલ્મની ચર્ચા ઘણા સમયથી ચાલી રહી છે અને એમાં રણબીર કપૂર કિશોરકુમારનું પાત્ર ભજવશે. આ વિશે પૂછતાં અનુરાગ બાસુ કહે છે, ‘આ એવી ફિલ્મ છે, જેની હું ખૂબ જ રાહ જોઈ રહ્યો છું. પરંતુ કિશોરકુમાર પર બાયોપિક બનાવવી ખૂબ જ મુશ્કેલ છે. તમે જ્યારે બાયોપિક બનાવી રહ્યા હો ત્યારે ઘણીબધી કાયદાકીય આંટીઘૂંટી હોય છે. તેથી અમે કાયદાકીય કાર્યવાહી પૂરી કરી રહ્યા છીએ. આ કાર્યવાહી પૂરી થયા બાદ જ હું શૂટિંગ શરૂ કરીશ. રણબીર પણ આ ફિલ્મ માટે રાહ જોઈ રહ્યો છે.’


Whatsapp-channel Whatsapp-channel

01 July, 2017 05:19 AM IST |

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK