અંગ્રેજી મીડિયમનું શૂટિંગ થયું પૂર્ણ, ડાયરેક્ટરે કર્યા ઈરફાન ખાનના વખાણ
અંગ્રેજી મીડિયમનું શૂટિંગ થયું પૂર્ણ
અભિનેતા ઈરફાન ખાન કેન્સર સામે લડ્યા બાદ બોલીવુડમાં ફિલ્મ અંગ્રેજી મીડિયમથી પાછા ફરી રહ્યા છે. ફિલ્મનું નિર્દેશન હોમી અડાજણિયાએ કર્યું છે. જેનું શૂટિંગ લંડનમાં ખમત થયું. શૂટિંગ ખતમ થયા બાદ સોશિયલ મીડિયા પર હોમીએ પોસ્ટ કરી અને એક ઈમોશનલ તસવીર શેર કરી છે. જેમાં તેમણે ઈરફાનના વખાણ કર્યા છે.
ADVERTISEMENT
હોમીએ પોસ્ટમાં લખ્યું છે કે, "હું ફિલ્મ કરવા માંગતો હતો. મને ખબર હતી કે તેમાં અડચણો આવશે. હું તમામ ખોટા કારણો માટે આ ફિલ્મ કરવા માંગતો હતો પરંતુ હવે તે મને સાચા લાગી રહ્યા છે. આ મારા માટે ઈમોશનલ રોલર કોસ્ટર સમાન રહ્યું છે અને મને ખબર છે કે સાથે જોડાયેલા બધા માટે કેટલુ અઘરૂં રહ્યું છે. ઈરફાન ખાન તમે અતુલનીય છો. અને સારા અભિનેતા પણ છો. હું તમને વ્યક્ત કરી શકું તેના કરતા વધારે પ્રેમ કરું છું. મારા ક્રૂ અને કાસ્ટનો પણ આભાર જેમણે મુશ્કેલીઓને હાવી ન થવા દીધી. હું માનું છે કે અમારા તમામની સકારાત્મકતા અને જીવનને ઉજવવાની રીતે અમને આ કરવા દીધું. ફિલ્મનું ભવિષ્ય જે પણ હોય પણ તેણે મને એક પ્રકાશ બતાવ્યો છે જેને હું હંમેશા યાદ રાખીશ."
પોસ્ટ સાથેની તસવીર જોઈને લાગે છે કે આ તે ફિલ્મના શૂટિંગ દરમિયાન લેવામાં આવી છે. અને હોમીની આ પોસ્ટ પરથી અંદાજ લગાવી શકાય છે કે તે કેટલા ઈમોશનલ થઈ ગયા હતા.
આ પણ વાંચોઃ બ્લેક આઉટફિટમાં જીમ પહોંચી મલાઈકા, જુઓ તસવીરો
મહત્વનું છે કે ઈરફાન ખાન લાંબા સમયથી કેન્સરની બીમારી સામે લડી રહ્યા હતા. અને સારવાર બાદ તેમને પહેલી ફિલ્મ અંગ્રેજી મીડિયમ છે. ફિલ્મમાં કરીના કપૂર અને રાધિકા મદાન પણ છે. અંગ્રેજી મીડિયમ ઈરફાન ખાન અને સબા કમરની ફિલ્મ હિન્દી મીડિયમની સિક્વલ છે.
