સ્ટેજ પર બિકિની પહેરીને ચાલવું અકળાવનારું : પ્રિયંકા
૨૦૦૦ની સાલમાં મિસ વર્લ્ડ બનેલી અને ઍક્ટ્રેસ પ્રિયંકા ચોપડાએ કહ્યું હતું કે ‘હું લકી છું. મિસ વર્લ્ડ બની ત્યારે આ કૉમ્પિટિશનમાં સ્વિમસૂટ રાઉન્ડ નહોતો, આમેય સ્ટેજ પર બિકિની પહેરીને ચાલવું અકળાવનારું કહેવાય.’
૧૯૫૧થી દર વર્ષે મિસ વર્લ્ડ કૉમ્પિટિશન યોજતા ઓર્ગેનાઇઝર્સે આવતા વર્ષથી આ કૉમ્પિટિશનમાંથી સ્વિમસૂટ રાઉન્ડ કૅન્સલ કર્યો છે. આ વિશે પ્રિયંકાએ કહ્યું હતું કે ‘સ્ટેજ પર સ્વિમસૂટ અને હીલ્સ પહેરીને ચાલવાનું ખૂબ જ અકળાવનારું છે. જો કૉમ્પિટિશનમાં આ રાઉન્ડ રાખવો જ હોય તો સ્પર્ધકોને સ્વિમિંગ-પૂલ કે બીચ પર લઈ જઈને એનું શૂટિંગ કરવું જોઈએ, કેમ કે એ નૅચરલ કહેવાય, સ્ટેજ પર આ રાઉન્ડ અનનૅચરલ અને ઑકવર્ડ કહેવાય. જોકે હું આ કૉમ્પિટિશનમાં હતી ત્યારે આ રાઉન્ડ નહોતો એથી મારી જાતને લકી માનું છું, સ્ટેજ પર બિકિની રાઉન્ડને હું ખૂબ અકળાવનારો માનું છું.’ ૧૪ ડિસેમ્બરે લંડનમાં યોજાયેલી ૬૪મી મિસ વર્લ્ડ સ્પર્ધામાં આ વર્ષે છેલ્લો બિકિની રાઉન્ડ હતો.