સની લીઓનને દેખાડવામાં આવ્યો છે દરવાજો
ADVERTISEMENT
થોડા દિવસ પહેલાં ડિરેક્ટર અનિલ શર્માની ફિલ્મમાં સની દેઓલ સાથે એક આઇટમસૉન્ગ કરવા સની લીઓનીને સાઇન કરવામાં આવી હોવાની ચર્ચા હતી. જોકે હવે ખબર પડી છે કે આ ફિલ્મમાંથી તેને કાઢી મૂકવામાં આવી છે. પહેલાં એવા સમાચાર હતા કે સની દેઓલના દબાણને કારણે આ નિર્ણય લેવામાં આવ્યો હતો. હવે ખબર પડી છે કે હકીકતમાં સનીની ફીના મામલે વિવાદ ઊભો થતાં આ પગલું ભરવામાં આવ્યું છે. જોકે આટલું બધું થઈ ગયું હોવા છતાં અનિલ શર્મા કહે છે, ‘સની સાથે કોઈ જ સમસ્યા નથી. તે આ આઇટમસૉન્ગમાં કામ કરી રહી છે અને અમે તેની ડેટ્સને ઍડ્જસ્ટ કરવાનો પ્રયાસ કરી રહ્યા છીએ.’
જોકે આ સમગ્ર પ્રકરણ વિશે વાત કરતાં ફિલ્મ સાથે સંકળાયેલી એક વ્યક્તિ કહે છે, ‘હકીકતમાં સનીને આ ફિલ્મમાંથી કાઢવામાં નથી આવી, પણ તેણે સામેથી જ આ ફિલ્મમાં કામ કરવાની ના પાડી દીધી છે. હકીકતમાં અનિલે પોતાની આ ફિલ્મમાં સની દેઓલ સાથે આઇટમસૉન્ગ કરવા માટે સનીને ૫૦ લાખ રૂપિયા ફી ઑફર કરી હતી જે સનીને ઓછી લાગી હતી. તેણે તાજેતરમાં એક પ્રોડક્શન-હાઉસ સાથે ત્રણ ફિલ્મોની ડીલ કરી છે જેના કારણે હાલમાં તેની બહુ ડિમાન્ડ છે. એ સિવાય આ આઇટમસૉન્ગના રિહર્સલ માટે સની પાસેથી સારી એવી ડેટ્સ માગવામાં આવી હતી જે આપવાનું સની માટે શક્ય નહોતું. આને કારણે જ હવે સની આ ફિલ્મમાં કામ નથી કરી રહી.’
