સિન્ગિંગ-કરીઅર અને ફિલ્મોને લીધે પ્રિયંકા ચોપડા છે સુપરબિઝી

Published: 16th November, 2012 05:51 IST

પ્રિયંકા ચોપડા હાલમાં ઍક્ટિંગ અને મ્યુઝિકની કરીઅર વચ્ચે ઝોલાં ખાઈ રહી છે. અત્યારે લાગી રહ્યું છે કે પિગી ચૉપ્સ પાસે હાલમાં કોઈ ફિલ્મ નથી, પણ હકીકતમાં અત્યારે તે એકસાથે ચાર-ચાર ફિલ્મોમાં વ્યસ્ત છે.



પ્રિયંકા કહે છે, ‘હું અત્યારે બે ફ્રન્ટ પર સાથે કામ કરી રહી છું. સિન્ગિંગ એ ફુલ ટાઇમ જૉબ બની ગયું છે. હું હવે આનાથી વધુ કામ કરી શકું એમ નથી. ‘ક્રિશ’ આવતી દિવાળીએ રિલીઝ થશે અને અત્યારે હું ‘ઝંજીર’નું કામ શરૂ કરી રહી છું. એ પછી મારાં સૉન્ગ્સ પ્રમોટ કરવા હું લૉસ ઍન્જલસ જઈશ. ત્યાર પછી આવતા વર્ષે ‘મિલન ટૉકીઝ’ અને ‘ગુંડે’ શરૂ થશે.’

હવે તેની સારી અભિનેત્રીઓમાં ગણના થવા લાગી છે એ બાબતે પ્રિયંકા ઘણી ખુશ છે. તે કહે છે, ‘મને હંમેશાં દર વર્ષે એક જ ફિલ્મ કરવાનું ગમે છે, જે મારામાંની અભિનેત્રીને ઉજાગર કરે. કમર્શિયલ ફિલ્મોની સાથોસાથ અભિનયના સ્કોપવાળી ફિલ્મો પસંદ કરવા બાબતે પણ હું ખૂબ સભાન છું અને એટલે જ ‘કમીને’, ‘સાત ખૂન માફ’, ‘ફૅશન’, ‘વૉટ્સ યૉર રાશિ’ કે ‘ઐતરાઝ’ જેવી ફિલ્મો મેં કરી છે. તમે ‘કમીને’ જોશો તો એમાં આખી ફિલ્મમાં મારા માત્ર ૧૮ સીન છે, પણ મારો એ આખો પાર્ટ ખૂબ સશક્ત છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK