મહારાષ્ટ્ર સરકાર મારાથી ઑબ્સેસ્ડ રહેવાનું બંધ નહીં કરે તો...:કંગના
કંગના રણોત
કંગના રનોટનું કહેવું છે કે જો મહારાષ્ટ્ર સરકાર મારાથી ઑબ્સેસ્ડ રહેવાનું નહીં છોડે તો તેમની સરકાર પડી ભાંગશે. કંગનાની મુંબઈ ઑફિસ તોડ્યા બાદ તેણે આવું સ્ટેટમેન્ટ આપ્યું હતું. ભિવંડીમાં સોમવારે પટેલ કમ્પાઉન્ડમાં ત્રણ માળનું એક બિલ્ડિંગ પડી ભાંગતાં ઓછામાં ઓછી દસ વ્યક્તિનાં મૃત્યુ થયાં છે. આ ફોટોને ટ્વિટર પર શૅર કરતાં એક યુઝરે ટ્વીટ કર્યું હતું કે ‘ખૂબ જ દર્દનાક દૃશ્ય છે. મહારાષ્ટ્ર સરકાર જ્યારે કંગનાની ઑફિસ તોડી રહી હતી ત્યારે જ આ ઘટના ઘટી હતી.’
આ વિશે કંગનાએ ટ્વીટ કર્યું હતું કે ‘આ દરમ્યાન મહારાષ્ટ્ર સરકાર ક-ક-ક-ક-કંગના કરી રહી છે. જો તેઓ મારાથી ઑબ્સેસ થતા બંધ થશે તો તેમને ખબર પડશે કે તેમનું સ્ટેટ કેવી રીતે ભાંગી પડી રહ્યું છે.’