ભવિષ્યમાં જો હું સીલિંગ સાથે લટકેલી મળું તો એને સુસાઇડ ન સમજતા:પાયલ ઘોષ
પાયલ ઘોષ
અનુરાગ કશ્યપ પર જાતીય સતામણીના આરોપ મૂકનાર પાયલ ઘોષે જણાવ્યું હતું કે જો કદી તેની બૉડી સીલિંગ પર લટકેલી મળે તો એમ ન સમજતાં કે તેણે સુસાઇડ કર્યું છે. તેના આરોપો બાદ તેણે પોલીસ-સ્ટેશનમાં ફરિયાદ નોંધાવી હતી. બૉલીવુડમાંથી અનેક સેલિબ્રિટીઝે અનુરાગનો પક્ષ લીધો છે. પોતાનો ફોટો ઇન્સ્ટાગ્રામ પર શૅર કરીને પાયલે કૅપ્શન આપી હતી કે ‘મેં મિસ્ટર કશ્યપને લઈને એક ફેમસ પોર્ટલને આખો ઇન્ટરવ્યુ એક એપિસોડ માટે આપ્યો હતો. બાદમાં મને જાણ થઈ કે તેઓ એ એપિસોડ માટે મિસ્ટર કશ્યપની મંજૂરી માગી રહ્યા હતા. ભારત, જો હું કદી સીલિંગ ફૅન પર લટકેલી મળું તો એક વાત યાદ રાખજો કે મેં સુસાઇડ નથી કર્યું. તેમની પાસે પહેલેથી જ મારા માટે ડિપ્રેશન અને મેડિકેશનની એક સ્ટોરી તૈયાર છે.’