સ્કૂલમાં મોહેંજો દારોના ચૅપ્ટર વખતે મને ખૂબ જ કંટાળો આવતો હતો : પૂજા હેગડે

Jul 14, 2016, 06:05 IST

હૃતિક રોશન સાથે ‘મોહેંજો દારો’માં ડેબ્યુ કરી રહેલી પૂજા હેગડેને સ્કૂલમાં ‘મોહેંજો દારો’ના ચૅપ્ટર વખતે ખૂબ જ કંટાળો આવતો હતો.

મંગળવારે ફિલ્મની પ્રમોશનલ ઇવેન્ટમાં પૂજાએ કહ્યું હતું કે ‘મેં ‘મોહેંજો દારો’નું ચૅપ્ટર સ્કૂલમાં વાંચ્યું હતું અને કંટાળી ગઈ હતી. મને સપનામાં પણ ખ્યાલ નહોતો કે હું આ વિષય પર જ ફિલ્મ કરીશ. જોકે આજની જનરેશનને ઇતિહાસમાં ખૂબ જ રસ છે, નવી-નવી વાતો જાણવાનું તેમને ખૂબ જ ગમે છે.’

મોહેંજો દારોની સ્ક્રિપ્ટ બસો પાનાંમાંથી ૮૦ની થઈ ત્યારે જ મેં સાઇન કરેલી : હૃતિક

હૃતિક રોશનની ‘મોહેંજો દારો’ રોમૅન્ટિક-ઍક્શન અને પિરિયડ-ડ્રામા ફિલ્મ છે, પરંતુ આ ફિલ્મને હૃતિકે ત્યારે જ સાઇન કરી હતી જ્યારે એની સ્ક્રિપ્ટને ટૂંકાવી દેવામાં આવી હતી. મંગળવારે યોજાયેલી આ ફિલ્મની પ્રમોશનલ ઇવેન્ટમાં ફિલ્મની ઑફર કરવામાં આવી ત્યારે તેણે સૌથી પહેલાં શું વિચાર્યું હતું એ વિશે પૂછવામાં આવતાં હૃતિકે કહ્યું હતું કે ‘આ ફિલ્મ વિશે મારો પહેલો વિચાર એ હતો કે આશુતોષ ગોવારીકર મારો મિત્ર છે, તેણે મને ‘જોધા અકબર’ જેવી ફિલ્મ આપી હતી અને તે મને આવી બીજી ફિલ્મ આપી રહ્યો છે એ મારા માટે ખૂબ જ ખુશીની વાત છે. આ ફિલ્મની સ્ક્રિપ્ટ જોયા બાદ તમે મારો બીજો વિચાર જાણવા નહીં માગતા હો, પરંતુ તેમ છતાં હું કહું છું કે મને સ્ટોરી ખૂબ જ પસંદ આવી હતી પણ આ ફિલ્મની સ્ક્રિપ્ટ બસો પાનાંમાંથી ૮૦ પાનાંની થાય ત્યાં સુધી મેં એને સાઇન કરવા માટે રાહ જોઈ હતી. ત્યાર બાદ મેં તેને કહ્યું હતું કે ચાલ હવે ફિલ્મ બનાવીએ.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK