હું અનોખી ફિલ્મને હંમેશાં ચાન્સ આપું છું: આયુષ્માન ખુરાના
આયુષ્માન ખુરાના
આયુષ્માન ખુરાનાનું કહેવું છે કે અનોખી ફિલ્મને તે હંમેશાં ચાન્સ આપશે. ‘વિકી ડૉનર’માં સ્પર્મ ડોનરનું પાત્ર ભજવ્યા બાદ આયુષ્માને ઘણી સોશ્યલ ઇશ્યુવાળી ફિલ્મોમાં કામ કર્યું છે. તેની આગામી ફિલ્મ ‘શુભ મંગલ ઝ્યાદા સાવધાન’ પણ આવા જ એક ઇશ્યુ પર કામ કરી રહી છે. આ ફિલ્મમાં તે ગેનું પાત્ર ભજવી રહ્યો છે અને આ ઇશ્યુને લઈને તે સોશાયટી પર પ્રકાશ પાડવા માગે છે. આ વિશે વધુ જણાવતાં આયુષ્માને કહ્યું હતું કે ‘મારા માટે સફળતાનું પ્રમાણ ફિલ્મ બૉક્સ-ઑફિસ પર કેટલો બિઝનેસ કરે છે એ નથી. મારે મારા કામ દ્વારા એવી છાપ છોડવી છે કે જેના પર મને ગર્વ થાય. અનોખી ફિલ્મને હું હંમેશાં ચાન્સ આપીશ. આવી ફિલ્મો તમને વિચારતા કરી દે છે. હું મારા દર્શકોને એ અહેસાસ કરાવવા માગું છું કે તેમને એક અલગ ફિલ્મ આપવા માટે હું કેટલું મોટું રિસ્ક લઉં છું.
આ પણ વાંચો : મહિલાઓને પણ આર્મીમાં સમાન તક મળે એવા સુપ્રીમ કોર્ટના ચુકાદાથી ખુશ કિર્તી કુલ્હારી
ADVERTISEMENT
મારા માટે પણ આ એક લર્નિંગ પ્રોસેસ છે અને હું સતત દરેક ફિલ્મ સાથે મારો વિકાસ કરી રહ્યો છું. એક આર્ટિસ્ટ તરીકે આ સમયમાં કામ કરવાનો મને ગર્વ છે. છેલ્લા ઘણાં વર્ષમાં આપણા દેશ અને બૉલીવુડની ઇન્ડસ્ટ્રીમાં જે પણ વિકાસ થયો છે એના પર મને ગર્વ છે.’
