હુસેન ઝૈદીની લંડન કૉન્ફિડેન્શિયલ તૈયાર
હુસેન ઝૈદીની લંડન કૉન્ફિડેન્શિયલ ઝીફાઇવ પર જોવા મળશે
વિડિયો સ્ટ્રીમિંગ સર્વિસ ઝીફાઇવ ૧૮ સપ્ટેમ્બરે ‘લંડન કૉન્ફિડેન્શિયલ’ નામની સ્પાય-થ્રિલર ફિલ્મ રિલીઝ કરશે
જેની ટૅગલાઇન છે ચાઇનીઝ કૉન્સ્પિરસી. લંડનમાં ભારતીય એજન્ટ્સની એક પછી એક હત્યા થાય છે ત્યારે ભારતીય જાસૂસો લંડન પહોંચીને ચીનના ષડયંત્રને ઉઘાડું પડવાની કામગીરી હાથ ધરે છે. ‘નાગિન’ ફેમ મૌની રૉય આ ફિલ્મમાં RAW ઑફિસર તરીકે લીડ રોલમાં છે. કંવલ સેઠી નિર્દેશિત ‘લંડન કૉન્ફિડેન્શિયલ’માં મૌની રૉય ઉપરાંત, પુરબ કોહલી, કુલરાજ રંધાવા, પરવેશ રાણા પણ મહત્ત્વનો રોલ ભજવશે.
ફિલ્મના મેકર્સનું એવું કહેવું છે કે કોરોનાની મહામારી બાદ ‘લંડન કૉન્ફિડેન્શિયલ’ પહેલો વેબ-શો છે જેનું શૂટિંગ
ભારત બહાર કરવામાં આવ્યું હોય. આ ફિલ્મને જાણીતા ઇન્વેસ્ટિગેટિવ જર્નલિસ્ટ હુસેન ઝૈદીએ લખી છે. ઉલ્લેખનીય છે કે હુસેન ઝૈદીના
પુસ્તક પરથી તાજેતરમાં નેટફ્લિક્સ પર બૉબી દેઓલની ફિલ્મ ‘ક્લાસ ઑફ ૮૩’ પણ રિલીઝ થઈ છે. તો તેમના અન્ય પુસ્તક
‘ડોંગરી ટુ દુબઈ’ પરથી પણ ફરહાન અખ્તર એક વેબ-સિરીઝ બનાવી રહ્યો છે.