હૃતિક રોશને તોડ્યો એક સમયે એક જ ફિલ્મમાં કામ કરવાનો પોતાનો નિયમ

Published: 17th September, 2012 08:23 IST

‘ક્રિશ’ની સીક્વલનું શૂટિંગ ચાલી રહ્યું છે ત્યારે બીજી રોમૅન્ટિક કૉમેડી ફિલ્મને આપી લીલી ઝંડી



હૃતિક રોશન અત્યાર સુધી આમિર ખાનની જેમ એક સમયે એક જ ફિલ્મમાં કામ કરવાના નિયમનું પાલન કરતો હતો, પણ હવે તેણે પોતાના આ અભિગમમાં પરિવર્તન લાવવાનું પસંદ કર્યું છે. હાલમાં હૃતિક પિતા રાકેશ રોશન દ્વારા પ્રોડ્યુસ કરવામાં આવેલી ‘ક્રિશ’ના શૂટિંગમાં વ્યસ્ત છે, પણ આમ છતાં તેણે ડિરેક્ટર સિદ્ધાર્થ આનંદની આગામી રોમૅન્ટિક કૉમેડી ફિલ્મમાં કામ કરવાની હા પાડી દીધી છે. આમ હૃતિકે એક સમયે એક જ ફિલ્મમાં કામ કરવાનો પોતાનો નિયમ આ ફિલ્મ માટે તોડી નાખ્યો છે.

આ મુદ્દે વાત કરતાં બૉલીવુડની એક વ્યક્તિ કહે છે, ‘હવે પરિસ્થિતિમાં પરિવર્તન આવી ગયું છે. ખબર પડી છે કે હૃતિકે ડિરેક્ટર સિદ્ધાર્થ આનંદની આગામી રોમૅન્ટિક કૉમેડી ફિલ્મ સાઇન કરી છે. હૃતિક તેની કરીઅરમાં પહેલી વાર આવી ફિલ્મમાં કામ કરી રહ્યો છે. હૃતિક છેલ્લા કેટલાક સમયથી ભારે ડિમાન્ડિંગ રોલ કરી રહ્યો છે અને તેને લાગે છે કે હવે બદલાવ જરૂરી છે. હૃતિકે ãસ્ક્રપ્ટનો સારી રીતે અભ્યાસ કરીને આ ફિલ્મ કરવાની તૈયારી બતાવી છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK