દરેક ફિલ્મને પહેલી જ ફિલ્મ છે એ રીતે શરૂ કરે છે હૃતિક રોશન

Published: 11th November, 2020 19:26 IST | Gujarati Mid-day Correspondent | Mumbai

તે તેની ફિલ્મોમાં પોતાની બૉડી અને ડાન્સને ટ્રાન્સફૉર્મ કરવા માટે જાણીતો છે

હૃતિક રોશન
હૃતિક રોશન

હૃતિક રોશન તેની દરેક ફિલ્મ દ્વારા પોતાને રીઇન્વેન્ટ કરવાની કોશિશ કરે છે. તે તેની ફિલ્મોમાં પોતાની બૉડી અને ડાન્સને ટ્રાન્સફૉર્મ કરવા માટે જાણીતો છે. જોકે તે દરેક પાત્રને સ્ક્રીન પર રજૂ કરવા માટે ખૂબ જ મહેનત કરે છે. તે દરેક ફિલ્મ દ્વારા ખૂબ જ સરળતાથી દરેક પાત્રમાં ભળી જાય છે અને એથી જ એક પાવરફુલ પર્ફોર્મન્સ આપવામાં સફળ રહે છે. છેલ્લાં 20 વર્ષથી હૃતિક તેનાં યુનિક પાત્રો દ્વારા ચાહકોને મનોરંજન પૂરું પાડતો આવ્યો છે. ‘કોઈ... મિલ ગયા’ અને ‘ગુઝારિશ’ જેવી ફિલ્મો તેણે અદ્ભુત પર્ફોમન્સ આપ્યા હતા. તો ‘જોધા અકબર’માં તે રાજાની ભૂમિકામાં ખૂબ જ સારી રીતે જોવા મળ્યો હતો. ‘સુપર 30’માં તે ખૂબ જ અદ્ભુત બૉડી ટ્રાન્સફૉર્મેશનમાં જોવા મળ્યો હતો. ઍક્ટિંગ વિશે વાત કરતાં હૃતિકે કહ્યું હતું કે ‘એક રીતે હું મારી ભૂતકાળની ઍક્ટિંગ પર નિર્ભર નથી રહેતો. હું દરેક ફિલ્મને એવી રીતે અપનાવું છું કે એ મારી પહેલી ફિલ્મ હોય. હું મારી દરેક ફિલ્મની શરૂઆત એક સ્ટુડન્ટ તરીકે કરું છું અને પોતાની જાતને રીઇન્વેન્ટ કરતો રહું છું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK